Gott veður í Lucern í kvøld
Lucern liggur miðskeiðis í Sveis – mitt ímillum markið til Lichtenstein og høvuðstaðin Bern. Sweis er eitt fjallaland. Alpurnar eru umleið 100km sunnan fyri Lucern, Jurafjøllini eru vestanfyri. Ímillum fjallaryggirnar er ein stór fløta, og har er Lucern.
Sveis er ikki ávirkað av lágtrýstum, sum koma vestaneftir – soleiðis sum vit kenna her í Føroyum. Um summarið er vanliga heitt – 30 stig og meiri. Viðhvørt regnar, men tá er tað vanliga úr einstøkum ógvusligum toruskýggjum – og ikki í sambandi við brúgvaløg.
Í dag er ikki væntað, at tað fer at vera annað veður enn stilt – bert eitt lítið lot úr ymsum ættum. Yvir Alpunum, bert 100km sunnanfyri, liggja spjødd skýggj og geva regn og annað, men í Lucern er og verður turt í dag og í kvøld.
Hitin á middegi í dag fer upp um 30 stig, men út á seinnapartin fer at kølna. Í kvøld fer hitin at liggja um 18-20 stig.
Her á veðurredaktiónini hjá Norðlýsinum verður ynskt ein góðan dyst – og koyr á KÍ!!!