Nú við endað Ólavsøkunar, valdu vit at koyra burturúr tokuni í kvøld og norður til Funnings, niðan norðan Vaðhorn um Eiðisskarð og oman Fitjar og Svanabrekku omanfyri Eiði, har vit fingu hesar myndirnar um 23 tíðina í kvøld. Við teimum fara vit at siga øllum takk fyri  eina framúr Ólavsøku. Veðrið hevur verið so gott, sum helst ongantíð áður á Ólavsøku og hartil er lagt upp til ein sera virkandi august mánaða, nú løgmaður hevur boðað frá løgtingsvali fyrst í september.

Vit á Norðlýsinum eru til dystin fús, fyrst til Summarfestiválin, ið er stórsta tónleikatiltak her á landi, síðani til Føroya Sjómannadag og samstundis allan august mánaða verða vit eisini frammi í skónum tá talan er um Løgtingsval.

Allir flokkar og øll valevni eru vælkomin at leggja til rættis valstríð saman við Norðlýsinum. Vit hava prentaða blaðið, sum hvørja viku kemur ókeypis í hvørt hús í Norðoyggjum, umframt til haldarar aðrastaðni í landinum, og ikki minst er heimastíðan nordlysid.fo ein av sterkastu talgildu miðlunum í Føroyum. 

Tað loysir seg at brúka Norðlýsið, tí øll hava eina meining um Norðlýsið.