Tað sæst eisini aftur á almennu íløgu raðfestinginum, tí at so at siga einki verur gjørt. Gamaní bleiv onkur bilverja umvald síðsta summar, og mynd var sjálvandi eisini lagt út á facebook profilin hjá landstýrismanninum Heðin Mortensen, at hetta var gjørt, og so skuldi alt veri gott. Fakta er bara tað at vegurin millum bygdirnar báðar, Hattarvík og Kirkja, er í sera vánaligum standi, og sera hættisligir í støðum.

Atløgubryggjurnar í báðum plássum eru í sera ringum standi. Kantar eru brotnaðir og pullartar eru vekk. Tó verur einki gjørt, sjálvt um hetta hevur verið gjørt vart við í nógv ár, ja fleiri samgongur hava vita um hetta. Kostnaðurin fyri alt hetta, er nokk minni enn hvat í er brúkt upp á listina á Glasir.

Kortini tosa vit um ferðavinnu, alt gott um tað. Men tað skal ikki bara seljast sum løtuvinningur. Veit ikki hvussu nógv útlendsk ferðafólk og Føroyingar annars vitja Fugloynna um ári, men tey eru nógv, heilt nógv.

Eg eri uppvaksin í Hattarvík, og eri sera góður við oynna. Og tí er henda politiska líkasæla, í mínum eygum, ein vanvirðing fyri útoyggjarnar, óansæð politiskan lit.

So góðu tit valevnir, sum nú stilla upp til løgtingsvalið, gloymi ikki útoyggjarnar. Møguliga eru atkvøðurnar ikki so nógvar á Fugloynni og hinum útoyggjunum, men minnist til at tað eru ofta tær síðstu atkvøðurnar sum telja.

Anfinn Jacobsen