Føroyar eru staddar mitt ímillum tvey lágtrýst – annað fór framvið í gjár; hitt er nakað djúpari við fitt av vindi og er statt mitt yvir Norðuratlantshavi.

Hetta lágtrýst rakar okkum í morgin, men dystur er á Hólmanum á Eiði í dag.

Tá ið EB/Streymur og KÍ fara á vøllin klokkan trý, er vindferðin um 5 m/s úr landsynningi-suðuri. Hetta, siga keldur av Eiði, er góð ætt.

Tað er turt allan seinnapartin, eisini meðan dystur er. Hitin fer at liggja um 12 stig.

So er at ynskja ein góðan dyst, og koyr á KÍ!