Lýsing

Hava áður vunnið á Wales

SKRIVAÐ: FSF  |  27.08.2019 - 21:58 Ítrottur Tíðindi

Hósdagin klokkan 17:00 spælir føroyska kvinnulandsliðið EM-undankappingardyst á Tórsvølli ímóti Wales, sum í løtuni er nummar 32 á styrkislistanum hjá FIFA

 

Klokkan fimm seinnapartin hósdagin skal føroyska A-landsliðið við kvinnum á vøllin aftur, tá EM-undankappingardystur móti Wales er á skránni á Tórsvølli. Hetta er fyrsti dystur í undankappingini til EM 2021, sum verður í Fraklandi. Hini londini í bólkinum eru Norra, Hvítarussland og Norðurírland.

 

Føroyska kvinnulandsliðið hevur áður roynt seg í undankappingardyst móti Wales, men tað eru eftirhondini nógv ár síðani. Tann 25. oktober í 1995 spældu Wales og Føroyar EM-undankappingardyst á Farrar Road í Bangor í Wales. Úrslitið gjørdist ein tepur 1-0 sigur til Føroyar. Sigursmálið skoraði Helga Ellingsgaard í 35. minutti.

 

Eitt lítið ár seinni, tann 8. juni í 1996 møttust liðini aftur á Svangaskarði á Toftum, og tá vunnu walisar 1-0.

 

Undan dystinum hósdagin eru Føroyar nummar 85 á styrkislistanum hjá FIFA, meðan Wales er nummar 32. Talan er sostatt um eina torføra uppgávu hjá kvinnulandsliðnum, men hon er als ikki ómøgulig.

 

Hetta er ikki fyrsti dystur hjá okkara kvinnum í ár. Í apríl mánað spældi liðið venjingardyst á útivølli móti Litava. Úrslitið tá bleiv javnleikur 2-2.

 

Atgongumerki til dystin millum Føroyar og Wales fáast til keyps í Nethandilinum á heimasíðuni hjá FSF, og við dyrnar, áðrenn dystin.

 

Hópurin

Monika Biskopstø, AaB Ålborg (Danmark)

Anna S. Hansen, EBS/Skála

Marita á Fríðriksmørk, ÍF/Víkingur/B68

Annika R. Christiansen, ÍF/Víkingur/B68

Lív Arge Poulsen, Sundby BK (Danmark)

Durita Hummeland, KÍ

Sanna Svarvadal, KÍ

Katrina Akursmørk, KÍ

Eyðvør Klakstein, KÍ

Evy á Lakjuni, KÍ

Olga Kristina Hansen, B36

Ansy Sevdal Jakobsen, EBS/Skála

Ásla Johannesen, Farum BK / FC Nordsjælland (Danmark)

Sara S. Lamhauge, HB

Julia Naomi Mortensen, HB

Jónvá Hentze, HB

Jacoba Langgaard, ÍF/Víkingur/B68

Heidi Sevdal, HB

Sarita Maria Mittfoss, B36

Rebekka Fjalsá Benbakoura, HB

Lýsing
Seinastu tíðindini
Stjørnan og VÍF í morgin, sunnudagin
KÍ vann 3-1 á Víkingi á Djúpumýru í dag
KÍ og NSÍ spældu seg í finaluna
Áhugaverdur fyrilestur undan heilsurenni…
Filmurin "Trolmenn" er klárur
Gamla Seglhúsið selir nú alt gott frá Ey…
Móttøka á Norð­lýsi­num í Nýggjum hølum
Lívsins dansur í Mentanar­húsi­num Fuglafi…
Torraguðs­tænasta í Christians­kirkjuni
Evropeiski flogbóltsforsetin hitti Løgma…
Símun Steffensen skúla­lærari í Kunoy
”Syngið við kvøld” í Skálanum
Okkara legenda
Dragin á Torradegnum
Miðhøllin á Skúlatrøð – Leygar­dagin í To…
Gamla Seglhúsið á Torradøgunum
Frits Johannesen í Gamla Seglhúsinum
Steypfinala, kvinnur: Kappingarárið sten…
Steypafinala, menn: Mjølnir er favorittu…
Føroyskur dansur á Skúlatrøð