Miðflokkurin vil hava skrásett parlag
Stóri spurningurin er, um Miðflokkaveljarar halda hetta ikki er sama síða av somu søk. Sum skilst, er hetta uppskotið komið frá Miðflokkinum, hóast teir vóru munandi avgjørdari áðrenn valið.
Ein av stóru snávingarsteinunum, ið flokkarnir skulu finna loysn á, er rætturin hjá samkyndum at lata seg gifta.
Miðflokkurin segði fleiri ferðir greitt í valstríðnum, at lógin skuldi rullast aftur. Tó hava hinir flokkarnir melda greitt út, at tað ætla teir ikki. Sambandsflokkurin sigur, at tað er upp til hvønn einstakan, meðan Fólkaflokkurin boðaði frá, at teir hugdu frameftir, og ikki vildu broyta lógina.
Frá samráðingunum hava vit frætt, at semjan skal vera, at gera nýggja lóg, ið loyvir samkyndum at skráseta seg í parlag. Stóri spurningurin er, um Miðflokkaveljarar halda hetta ikki er sama síða av somu søk. Sum skilst, er hetta uppskotið komið frá Miðflokkinum, hóast teir vóru munandi avgjørdari áðrenn valið.
Tað hevur ikki eydnast at fáa fatur á Jenis av Rana, formann Miðfloksins