Ótrúliga ríka skotska søgan
Um tú hevur valt at fara ein túr til skotska høvuðsstaðin Edinburgh, so hevur túr ríkar møguleikar at uppliva nútíðina her nógvar framsýningar og konsertir verða fyriskipaðar. Men søguni gera skotar nógv burtur úr.
Í Skotlandi við Alex
Nú vit eru í Skotlandi saman við Alexi Sólstein, hevur hann hugt at einum dagstúri til Loch Lomond, The Trossachs og Dune Castle. Alex skrivar:
Útferð
Ferðin gongur frá Edinburgh í vøkru Trossachs National Park við heyggjum og hugtakandi útsýni. Umvegis Glasgow fara vit tvørtur um ánna Clyde og koma til bergtakandi bygdina Balloch. Sigla ein tíma á søguríka Loch Lomond: Meðan vit sigl fortelur kendi søgumaðurin Neil Oliver um lendi og tess søgu.
Loch Lomond
Um Loch Lomond sigur hann millum annað, at sjógvurin er 190 metrar djúpur har hann er djúpst. Hetta er triði djúpasti sjógvurin ella vatnið í Skotlandi og tann størsti í vídd. Onki ódjór finst í vatninum, sigur hann við einum smíli. Annars er nógv at finna í Balloch at hyggja at, og so eru handlar og matstovur, minnilund har nógv ymist er at finna og hyggja at.
Ulladepil og seyðahundar
Vit halda fram norðureftir og koma til hálandsbygdina Aberfoyle. Eitt samfelag tætt knýtt at lendinum við álvum og álvagentum. Vit kunnu vitj skotska ulladepilin, har tað ýður av bundnum og vovnum pløggum. Matstøðini eru nógv umframt ymsir handlar. Far ikki avstað aftur, uttan at tú hevur sæð seyðahundaframsýningina.
Doune Castle
Haðani fara vit at síggja miðaldarslottið Doune Castle, bygt í 13. øld til hertogan av Albany.
Tú hevur møguleikan at fylgja í fótasporunum av kongum og hetjum, veruligum og uppspunnum. Slottið hevur verið brúkt í filmum og tv-sendingum. Hygg at byggilistini og at hvussu fólk búleikaðust fri 700 árum síðani.
Stirling Castle
Á heimvegnum koma vit fram við søguligum týdningarmiklum støðum og toftum.Millum annað William Wallace Monument og Stirling Castle.
PS: Í dag hava vit annars ætlanir um at vitja skotsk parlamentið, ið er opið fyri almenninginum. (Oliver)