Lýsing
Lýsing

Norðlýsið spáddi rætt

SKRIVAÐ: Jóhann Lützen  |  13.09.2019 - 17:14 Leiðarin Politikkur

Hóast Norðlýsið fekk nógv at hoyra fyri, at vit bara gittu og gittu skeivt, so vísa okkara keldur seg nú aftaná at hava verið tær mest eftirfarandi.

Serliga Vágaportalurin hevur skotið við skørpum eftir Norðlýsinum fyri at gera ógrundaðar niðurstøður, men nú øll kortini eru løgd á borðið vísir tað seg, at niðurstøðurnar vóru rættar. Norðlýsið visti áðrenn nakar annar miðil, at ABH-samgongan var í pottinum og fór at verða veruleiki.

Sjálvandi skal ein vera varin við at spáa um úrslit av samgongusamráðingum, men her hevur keldukritikkurin alt at siga. Er keldan eftirfarandi, kann hon vera líka góð sum var samráðingarleiðarin sjálvur keldan.

Gamaní var vátt í reiðrinum eina løtu, og tá loyvdu vit okkum at gera metingar av orsøkunum, har fiskivinnupolitikkurin var høvuðsorsøkin. Vágaportalurin kritiseraði hetta og segði orsøkina vera eina heilt aðra, nevniliga at Miðflokkurin kravdi tvey landsstýrisfólk. Hvussu er og ikki, so fær Miðflokkurin bert eitt landsstýrisfólk, er nú greitt. Og um har nakrantíð hevur verið eitt veruligt krav um tvey landsstýrisfólk til ein flokk við tveimum tingfólkum, so sigur vanligur keldukritikkur, at hetta ikki var realistiskt. Tað hevur í besta føri verið eitt útgongdspunkt, sum man hevur verið til reiðar at slakað í.

Tað lættasta er at vera bakklókur. Tað vita vit á Norðlýsinum, og tí vildu vit ikki vera tað, men heldur gera kvalifiseraðar metingar frammanundan og undir samgongusamráðingunum. Og higartil hava vit havt rætt í tí mesta, bæði at ABH-samgongan verður veruleiki, og at Fólkaflokkurin fær fiskivinnumál. Alt bendir á, at vit eisini fáa rætt í, at Jacob Vestergaard verður nýggjur fiskivinnumálaráðharri.

Hetta er ikki ætlað sum sjálvrós. Høvuðsorsøkin til, at vit eru førir fyri at gera tílíkar metingar er, at vit hava góðar og eftirfarandi keldur, og tað eru tær, sum hava rósurnar uppibornar.

Lýsing
Seinastu tíðindini
Vælkomin til kaffi  í morgin 23. oktober
Klaksvíkar sjúkra­hús hevur tikið nýtt, d…
Jógvan Páll Lassen í sínum vanliga stíli
Sjálvsagt tryggja vit ognarrættin hjá fø…
KÍ Ársveitsla
Aleksandar Djordjevic ársins venjari í k…
Treysti byrjar innandura­venjingar­nar í m…
Býráðið bjóðar til morgunmat í KÍ-høllin…
- Útbyggingin gevur Fjallafípuni enn bet…
Líðhamar 15.800 pund í dag
Minkandi í kvøld
B36-KÍ verður leygar­dagin kl. 15.00
Dansivetu­rin byrjaður
Smáar vatnmyllur eru vælegnaðar í Føroyu…
Johan Dahl spyr um sjóvegis samferðsluke…
Tøkk
Norð­oy­ingar eiga helst Føroya dýrasta ve…
Miðstaðu­rin køvist í almennum íløgum
Kí á meistarakós á Djúpumýrum í dag
Einki leikbann til FM-finaluna