Íverksetarahúsið, Vinnuframi og Visit Faroe Islands samstarva um nýggjan føroyskan crowdfunding portal, við navninum Hópfígging. Íverksetarahúsið umsitur portalin í samstarvi við íslendsku fyritøkuna Karolina Fund, sum hevur ment portalin.

Stjórin í Iverksetarahúsinum Sigrun Jónsveinsdóttir bjóðaði vælkomin og fegnaðist um átakið og eisini góðu uppmøtingina. Sigrun gav síðani landsstýrismanninum orðið og vit prenta røðu hansara seinni. 

Endamálið við Hópfígging er at stuðla og menna íverksetan í Føroyum, við at gera tað lættari hjá íverksetarum og íleggjarum at finna hvønn annan, og harvið geva íverksetum møguleika at deila síni góðu hugskot, og samstundis fáa fígging.