Alla vikuna hevur verið skipað fyri Heystfagnaði á Eiði. Í dag var so stóri dagurin við framsýningum, sølubúðum, smakkiroyndum, fletting av kúgv, undirvísing í seyðafletting, tarvaskítikapping og mangt annað áhugavert.

Eiðis Komuna hevur verið ein høvuðsluttakari á Heystfagnaðinum á Eiði og sigast má, at hesi árini skipað hevur verið fyri tiltakinum hevur tað eydnast eiðisfólki at skapt nakað, ið er sera fólksligt og hugnaligt.

Norðlýsið var ein túr á Eiði við myndatólinum, og niðanfyri er nakað av tí vit fingu burturúr.