Lýsing
Lýsing

Jákup B. Andreasen: Altíð verið ein dreymur at vunnið FM við KÍ

SKRIVAÐ: Jákup Ósá  |  30.10.2019 - 18:09 Ítrottur Tíðindi

Dreymurin hjá KÍ-liðskiparanum Jákup B. Andreasen gekk út leygardagin.

21 ára gamli Jákup B. Andreasen var liðskipari hjá KÍ í ár. Hann tók ímóti FM-steypinum í Gundadali eftir 3-0 sigurin leygardagin.

 


Rørandi løta

Jákup fegnaðist um meistaraheitið og viðgekk, at tað var ein rørandi løta, tá meistaraheitið kom í hús.

- Kenslan er øgiliga góð, og hetta er ein rørandi løta fyri okkum. Vit hava bíðað leingi eftir hesum. Men eg haldi, at hetta er uppiborið. Vit hava verið góðir í alt ár. Eisini um ein tekur summarið við, har vit spældu í Europa League, segði Jákup B. Andreasen við Norðlýsið eftir dystin.

 


Vildu fáa góða byrjan

- Vit koma øgiliga væl út til dystin og undan dystinum løgdu vit dent á, at vit skuldu koma væl frá byrjan og leypa á. Men at skora tvey mál beinanvegin var kanska betri enn væntað. Tað skapar frið yvir spælið, og so avgera vit tað móti endanum.

- Eg havi ikki hugsað so nógv um tað áðrenn, at tað bleiv eg sum skuldi lyfta steypið, tí eg havi bara hugsað um dystin. Men teir næstu dagarnar fer tað sikkurt at ganga ordiliga upp fyri mær, at eg eri føroyameistari við KÍ, sum altíð hevur verið mín dreymur. Og at sleppa at lyfta steypið var sjálvandi eyka stórt, segði Jákup B. Andreasen við Norðlýsið.

 


KÍ aftur í oddinum

- Hetta hevur alt at siga fyri norðoyingar, at vit eru aftur í oddinum í føroyskum fótbólti. Hetta var ein ordilig ''forloysing'', og vit hava bíðað í so leingi eftir hesum og verið nær við ofta. Vit hava ment okkum síðstu árini soleiðis, at vit klára at spæla undir trýsti. Nú vóna vit, at vit kunnu byggja víðari á hetta, so at tað ikki gongur alt ov leingi til vit lyfta steypið aftur, segði Jákup B. Andreasen at enda við Norðlýsið.

Lýsing
Seinastu tíðindini
Løgtingsvalið í Klaksvík 1994
Grindin í Árnafirði fekst ikki til merki…
Matstovur bjóða vælkomin
Útleigan av matstovu- og handilshølum vi…
Úrslitið hjá JFK-samtaki­num í 2019 var n…
Símun Poulsen stjóri í Vinnuháskúlanum
Lægsta arbeiðsloysið nakrantíð
Framtíðin hjá Kalsoynni
Grind liggur í Árnafirði
Eitt týðandi vegastrekki er nú lagt undi…
Slupp- og grilltúrur
Kunoyar kommuna raðfestur trivnað
Eitt nýtt bútilboð fyri ung verður staðs…
Borgarafundur um bústaðir savnaði nógv f…
Fleiri nýggj andlit í Dáturáðnum
Fimm systkin studentsprógv á Kambsdali
Rætting: Pál Weihe ikki longur í Conseco
Autismu­felagið nú sjálvstøðugt føroyskt…
Hesum liðum kann KÍ møta í Champions Lea…
Amplexa stóra skuld og stórt undirskot