Lýsing
Lýsing
Lýsing
Lýsing

Sendistova í Jerusalem krevur loysing frá Danmark 

SKRIVAÐ: Sjúrður Skaale  |  15.11.2019 - 07:47 Mentan Politikkur Tíðindaskriv

At Føroyar bróta frá restini av Europa, í staðin fylgja Trump, og alment viðurkenna Jerusalem sum høvuðsstað í Ísrael við at lata upp umboðsstovu har, verður sera dýrt. Ein slík provokatión móti kósini hjá flestu heimsins londum verður millum fremstu bumbumál, og skal verjast av nógvum vápnaðum fólki døgnið runt. 

Hóast verjan um sjálva sendistovuna verður stór, setir hetta trygdina hjá føroyingum í vanda. 

Okkara nýggja landsstýrið hevur ikki lagt fram nakra búskaparliga, politiska ella diplomatiska grundgeving fyri at taka hetta sera óvanliga og víðgongda stig. Hinvegin leggur Jenis av Rana í dag fram sína høvuðsgrundgeving í Politiken: hon er ikki handilslig ella diplomatisk. Hon er religiøs. 

Nøkur onnur europeisk lond hava diplomatiska umboðan í Jerusalem - men ambassadan er í Tel Aviv fyri tað. Tað er ikki ein fráboðan um, at Jerusalem er høvuðsstaður. Men Føroyar skulu brúka nógva tíð, orku og skattapengar til eina víðgongda politiska markering, hvørs grundgeving er religiøs. 

Føroyingar selja mat til Russlands. Vit samstarva tætt við Huawei. Vit hava rúm til at føra egna kós á týðandi økjum. Ofta júst sum ein statur. Men landsstýrið veit, at danska stjórnin ikki kann loyva landsstýrinum at spæla trygdarpolitiskt vandaspæl, so leingi vit eru partur av ríkisfelagsskapinum. Tað setir jú eisini danir í vanda. Vit kunnu gott bróta frá restini av Europa í hesum spurningi - men so mugu vit loysa frá Danmark fyrst. 

Vit vita, at vit ikki loysa frá Danmark við Sambandsflokkinum á odda. Og tí vita vit eisini, at tað KEMUR eingin sendistova í Jerusalem. Og tí mugu vit spyrja: Er eingin vaksin til staðar í Tinganesi? Hvussu leingi fer Sambandsflokkurin at lata hetta spælið ganga?  

Lýsing
Seinastu tíðindini
Jólahugni í Jacqson
Kærleikskúlan 2019 – hjá Rannva Kunoy
Jørgen spælir jólamaður við rokning til…
Nógvur vindur í nátt og í morgin
Daniel Sundell gestavenjari
Føðingardagur.
Tunnils­dagin: Stór jóla­buffet á Hotel Kl…
Sp/­f Búrhella økt um lastbilaflotan
Mikkjal K. Thomassen hevur fingið bjóðað…
Jóla­trø­ini í Kalsoynni vórður tendrað í…
Jólahugni í Svínoy
Leygar­dagin skipar Stjørnan fyri tombola…
Fyndin er komin!
Havnar Arbeiðara­felag heitur á arbeiðsge…
Bátarnir í bólki 5B sleppa aftur til útr…
Hanus: Næraberg og Norðborg ikki sambæri…
SMJ ein fyritøka, ið hevur sæð møguleika…
Skoytubreytin letur upp leygar­dagin kl.…
KÍ sett 1.deildarvenjara
Heilsuhjálparar lokið prógv
Lýsing