(Úr Norðlýsinum í dag) Í Víkingi hevur verið nakað av útskifting síðani kappingarlok.

Nýggi venjarin, Eyðun Klakstein, hevur veruliga sett síni fingramerkir á ''keypini''. Tí allir fýra leikararnir sum ru komnir inn, hava vant undir Eyðuni Klakstein áður í øðrum feløgum. Tveir av mest eyðsýndu leikarunum hjá Skála eru komnir og fyri fyrstu ferð í vaksnamannafótbólti koma við at síggja Lukasz Cieslewicz í øðrum felagi enn B36. Spennandi verður at síggja, um 32 ára gamli miðvallaleikarin kann vísa sítt besta í Víkingi eftir eitt ár, har hann ikki spældi heilt upp til sítt besta. Enn er tað ikki endaligt, men tað verður væntað, at avloysarin hjá Adeshina Lawal verður Finnur Justinussen, sum hevur sagt, at hann møguliga verður aftur at síggja í Føroyum í 2020. Ógreitt er, um Bogi Reinert-Petersen heldur fram í felagnum. Kemur Finnur Justinussen til Víking, so er hópurin neyvan langt frá at vera endaligur. Eyðun Klakstein, venjari, sigur í stuttari viðmerking við Norðlýsið, at Víkingur skal hava ein álopsleikara inn afturat og so er óvist, um nakar leikari afturat kemur.

Tilgongd:

Jákup Johansen

Ari Olsen

Lukasz Cieslewicz

Sonni Højgaard

Frágongd:

Hanus Jacobsen

Heðin Hansen

Adeshina Lawal

Filip Djordjevic

Bárður á Reynatrøð

Dion B. Splidt