Aftur vindur
Forsøgnin fyri í kvøld og í nátt er ikki góð. Tað verður fitt av vindi í kvøld, og eitt sindur meiri enn tað í nátt og morgin ári.
Tit hava hoyrt ella lisið tað fyrr, men tað er eitt sera djúpt lágtrýst, sum stendur fyri veðrinum í kvøld, í nátt og morgin ári. Tað fer fram við Føroyum í morgin ári klokkan 7 – tá er frástøðan út Mykinesi til miðjuni knappar 200 fjórðingar. Barometrini fara at vísa 945hPa – og so hæddarmunin afturat – t.e. 1 hPa minni fyri hvørjar 8 metrar oman fyri havið.
Veðrið er farið at merkjast í Føroyum. Sambært vedrid.fo er nú (klokkan er 17) miðalvindurin einar 12 til 17 m/s úr landsynningi.
Um einar 3 tímar eru 18 til 23 m/s úr landsynningi; á midnátt er miðalvindurin komin upp í 20 til 25 m/s. Hvirlurnar nakað væl harðari. Meiri vindur sunnanfyri enn norðanfyri.
Tað fer at regna eisini. Eitt brúgvalag er ávegis við regni – um ein tíma regnar kring alt landið. Tað fer at slíta í nakrar tímar seinni. Á midnátt fer aftur at regna.
Stutt eftir midnátt fer ættin at snara niður ímóti suðuri – sama vindferð, 20 til 25 m/s við hørðum hvirlum. ´
Í morgin ári fer ættin vesturum til útsynning-vestan og útsynning. Út á fyrrapartin í morgin fer at minka.
Her á Norðlýsinum fylgja vit við, hvussu veðrið skikkar sær…