Treysti í Íslandi
Um vikuskiftið verður Stórmót ÍR hildið í Laugardalshøllini í Reykjavík. Treysti er farið yvir við 49 íðkarum, venjarum og foreldrum í ferðalagnum
Í fleiri ár, ja síðani 2007, hava føroyskir íðkarar luttikið í Stórmót ÍR, sum er størsta innandura kapping í frælsum ítrótti í Íslandi og verður hildin í Laugardalshøllini. í ár eru tilsamans umleið 600 íðkarar tilmeldaðir. Treysti hevur 31 íðkarar við, meðan havnarfeløgini Bragdið og Hvirlan luttaka við ávikavist 13 og 6 íðkarum.
Hópur frá Treysti luttók fyrstu ferð í 2010. Síðani hava størri og minni hópar luttikið á hvørjum ári. Í ár er 49 fólk í hópinum, har størsti parturin eru heilt ungir íðkarar, sum eru við á fyrsta sinni. Kappingarnar fara fram leygardagin og sunnudagin frá klokkan níggju til seint seinnapartin.
Eins og undanfarin ár, so býr hópurin úr Treysti á Hotel Ørkini, har tey altíð trívast sera væl.
Á hesi leinkjuni finnast allar kappingarnar: Stórmót ÍR 2020