Lýsing
Lýsing

Avgerandi umfar í steypakappingini

SKRIVAÐ: Tíðindaskriv  |  24.01.2020 - 16:27 Ítrottur Tíðindaskriv

Steypakappingin hjá bæði monnum og kvinnum heldur fram hetta vikuskiftið, nú seinasta leikumfar er í bólkaspælinum. Higartil er tað bara Mjølnir, sum heilt sikkurt er víðari hjá bæði monnum og kvinnum. Tað er tí alt at spæla fyri.

Fleyr skal vinna á Mjølni

Hjá kvinnunum tapti Fleyr akkurát fyri SÍ í seinastu steypafinalu. Hesaferð verður tað ómetaliga trupult hjá Fleyr at koma so mikið sum í hálvfinalunar. Kravið er líkatil. Ein sigur skal til á Mjølni, og sigurin má ikki vera minni enn 3-1. Tað verður alt annað enn lætt. Hitt liðiði bólkinum Dráttur kann bara bíða og vóna, at Mjølnir spælir, sum tær hava spælt higartil í landskappingini. Tí so er Dráttur víðari saman við Mjølni.

Í hinum bólkinum er KÍF í somu støðu sum Dráttur. Tær mugu bara bíða og vóna, at SÍ tekur minst eitt sett ímóti TB. Og tað skal vera løgið, um ikki tað hendir. SÍ er í løtuni sterkasta liðið í kvinnudeildini, og á heimavølli eru tær ikki til at taka. Alt bendir tí á, at hálvfinaluliðini hjá kvinnunum verða Mjølnir, KÍF, Dráttur og SÍ, men í steypadystum kann alt henda.

 

SÍ a og SÍ b dystast um eitt pláss

Hjá monnunum er Mjølnir longu í hálvfinaluni úr bólki 1. Hitt plássið úr bólki 1 verður avgjørt í Sørvági, har SÍ a og SÍ b mugu gera av sínamillum, hvør er sterkari. Tann avgerðin fellur sunnudagin. Tað er tí vist, at SÍ fær lið í hálvfinaluna, spurnigurin er bara hvat.

Bólkur 2 er harafturímóti ikki avgjørdur enn.

Støðan er:
Fleyr a 5 stig
ÍF a 4 stig
ÍF b 3 stig
TB 0 stig
Fleyr a og ÍF a best fyri

ÍF a tekur ímóti TB, sum enn ikki hevur fingið stig í bólkaspælinum, men tó hevur rættiliga bitið frá sær. ÍF a er tó stórfavorittur. Hjá Fleyr a er tað harafturímóti eitt sindur truplari, tí mótstøðuliðið ÍF b hevur staðið seg væl í bólkaspælinum, og hevur møguleikan at leika seg víðari.

Dysturin sunnudagin er tí saman við dystinum í Sørvági sama dag avgjørt hæddarpunktið hjá monnunum higartil í steypakappingini. Tað verður har, alt fellur upp á pláss og greiða fæst á, hvør spælir hálvfinalu í Klaksvík leygardagin 8. februar, har Mjølnir heilt sikkurt verður eitt mótstøðulið.

 

Dystir hetta leikumfarið:

Kvinnur
Leygardag 25.01.20 kl. 16.00 Bólkur 1 SÍ – TB Ítróttahøllin í Sørvági

Leygardag 25.01.20 kl. 16.00 Bólkur 2 Fleyr – Mjølnir Høllin á Hálsi í Havn

Menn
Leygardag 25.01.20 kl. 14.30 Bólkur 1 Mjølnir – Fleyr b Badmintonhøllin í Klaksvík

Leygardag 25.01.20 kl. 15.00 Bólkur 2 ÍF a – TB Ítróttahøllin á Kambsdali

Sunnudag 26.01.20 kl. 14.30 Bólkur 1 SÍ a – SÍ b Ítróttahøllin í Sørvági

Sunnudag 26.01.20 kl. 15.00 Bólkur 2 Fleyr a – ÍF b Høllin á Hálsi í Havn

Lýsing
Seinastu tíðindini
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…
Danmark hevði munin