Í málinum, sum snúði seg um at hava mótarbeitt Kongressini, bleiv Donald Trump fríkendur við 53 atkvøðum, og í hinum málinum, ið snúði seg um at misnýta vald sítt, bleiv Trump fríkendur við 52 atkvøðum, í báðum førum út av 100. Hetta ljóðar kanska sum ein tepur meiriluti, men tá skal havast í huga, at tveir triðingar skulu vera fyri at koyra ein forseta frá, tað vil siga minst 67 atkvøður. Sostatt restaðu ávikavist 20 og 19 atkvøður í fyri at kunna frákoyra forsetan.

Onki óvæntað var við atkvøðugreiðsluni, tó at merkisvert var, at ein einsamallur republikanari atkvøddi fyri “misálitinum”, um ein kann kalla tað so. Tað var Mitt Romney, ið atkvøddi saman við demokratunum. Burtursæð frá honum vóru øll flokstrúgv – demokratarnir atkvøddu fyri at koyra forsetan frá, meðan republikanararnir stuðlaðu honum í at vera sitandi.

Mett verður, at hetta styrkir forsetan í hansara roynd at endurvinna forsetaembætið í heyst.