Hvør árgangur hevur síni kvæði/vísur, umframt at allur skúlin lærir seg "Stat op Santa Simeon".

Fyrsti flokkur kvøður "Veturin kom" og "Nú liggur ein kavafonn tindi á".

Annar flokkur kvøður "Óskudólg og Sópingarkona" og "Kall og Svein ungi".

Triði flokkur kvøður "Eg kendi mær ein ríkmann" og fjórði flokkur "Nykursvísu".

Fimti flokkur hevur valt at kvøða "Fótbóltstáttin", meðan sætti flokkur kvøður "Í Gøtu ein dag". Sjeyndi flokkur hevur "Kópakvæði" og áttandi flokkur "Sigmundskvæði yngra".

Nýggindi flokkur er í starvsvenjing kvæðadagin og luttekur tískil ikki í ár. Lærarar og næmingar hava verið áhugaðir og ágrýtnir. Summir flokkar hava gjørt heilt nógv burtur úr við myndum og evnisviku við kvæðunum sum evni.

Nú gleða øll seg til komandi mánadag, tá ið flokkarnir samlast at kvøða hvør fyri øðrum og í felag. Myndirnar eru av fimti flokkunum, sum tóku saman og kvóðu Fótbóltstáttin í dag.