Lýsing
Lýsing

Beinleiðis úr Vágum til Liverpool at uppliva alt runt síðsta dystin í Premier League

SKRIVAÐ: Jákup Ósá  |  27.02.2020 - 16:04 Ítrottur Tíðindi

Føroyingar hava nú møguleikan at flúgva beinleiðis úr Vágum til Liverpool í sambandi við síðsta dystin í Premier League, har vónin er, at Liverpool verður meistari fyri fyrstu ferð í 30 ár.

Tórfinn S. Simonsen hevur hevur tikið stig til at leiga eitt flogfar úr Vágum beinleiðis til Liverpool 15. mai og heim aftur sama veg 19. mai.

- Vit gista í fýra nætur og fáa uttan iva eina ótrúliga uppliving um tað gongst sum ætlað, og Liverpool verður meistari í ár. Eingin torir enn at rópa hart upp um tað, men verður Liverpool meistari, so verður nógv gjørt burturúr í Liverpool hesar dagarnar. M.a. við tí tiltiknu ‘’paraduni’’, har hópurin fer gjøgnum býin at vísa steypið fram, sum vit hava sæð í Champions League í 2005 og 2019. Har havi eg verið í sambandi við góðar keldur í Liverpool sum siga, at hon verður mánadagin 18. mai. Hon plagar at samla fleiri 100 túsund fólk í heilt serligum stemningi, sigur Tórfinn S. Simonsen.

 

Bara flogferð

Tórfinn S. Simonsen leggur dent á, at hann skipar bara fyri flogferðini.

- Talan er bert um flogferð aftur og fram úr Føroyum til Liverpool. Pláss er fyri 144 fólkum og verður flogfarið fullsett, so verður prísurin áleið 3500 kr. aftur og fram. Fólk mugu sjálvi orna hotell og flutning annars hesar dagarnar. Dysturin er sunnudagin 17. mai og verður vístur nógvastaðni í Liverpool og kunnu vit uttan iva vænta ein heilt serligan stemning í býnum hendan sunnudagin, tá síðsti dysturin í hesum fantastiska - banka undir borðið - kappingarárinum verður leiktur ímóti Newcastle á útivølli. Bíðitíðin á 30 ár verður vónandi av. Hotellini í Liverpool eru kostnaðarmikil hesar dagarnar, men har eru íbúðir fyri ein rímiligan penga og so eru hotell nakað uttanfyri býin, sum ikki eru so kostnaðarmikil, sigur Tórfinn S. Simonsen.

Mikudagin høvdu 60 fólk meldað seg til túrin. Tilmelding fer fram bæði inni á facebook vanganum hjá Liverpool Føroyar, har ein tráður er um túrin, og á liverpool15052020@gmail.com.

Lýsing
Seinastu tíðindini
Fantastiskt Requiem í Varpinum skírisdag
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…
Stór listaframsýning við Løkin
Grundøki til sølu Undir Gerðhamri í Hvan…