Veðrið í dag
Eitt kalt luftrák er av útnyrðingi er í morgun. Vindferðin fyri alt landið er í miðal um einar 8 til 13 m/s. Hitin er um frostmarkið.
Tann kalda luftin kemur úr Eysturgrønlandi.
Seinnapartin í dag fer ein hátrýstryggur at stinga seg úr miðjum Norðuratlantshavi norður til Føroyar. Tá ið soleiðis er, er vanliga gott veður eina løtu, meðan ættin fer at skifta úr høgætt til lágætt.
Tað fer tað eisini at vera hesaferð.
Í dag fer vindurin at minka. Um nátturðatíð er vindferðin komin niður um 5 m/s. Okkurt æl kann væntast seinnapartin við kava.
Í kvøld – umleið klokkan 20-21 – fer at mala úr ymsum ættum, og eina løtu eftir tað er ættin landsynningur-sunnan.
Lítil vindurin í nátt – um 5 m/s ella so – men ímóti morgni fer vindurin at veksa. Um arbeiðstíð er vindferðin komin upp í 15 m/s. Á middegi er vindferðin komin upp í 18 til 23 m/s.
Tað fer at regna fyrrapartin í morgin úr einum samanrunnum brúgvalag. Mesta regni er á middegi. So minkar, og um 15-tíðina er slítur í. Tá er vindurin minkaður niður um 10 m/s, og ættin farin vesturum, til útsynning.