Ógvuliga smáir møguleikar fyri havhestasjúku
Júst nú, er nýggj serfrøðingagrein um havhestasjúku komin alment fram. Her sæst, at av 474 kannaðum havhestaungum, høvdu bert funnu granskararnir bert klamydia bakteriuna í 0,4% av ungunum.
Okkara fuglafrøðingur, Jens-Kjeld Jensen hevur staði fyri innsavnanini av føroyska tilfarinum. Granskarar hava samanlíkna papageykasjúkuna í suðurafrika við klamydiabakteriuna, sum er funnin í føroysku havhestaungunum, og eru komnir til, at hetta er neyvt sama bakterian.
Men Jens-Kjeld sigur, at tað er sera áhugavert at bert 0,4% av føroysku havhestaungunum høvdu bakteriuna í sær í 2016. Nøkur ár frammanundan, gjørdu vit eina kanning, sigur Jens-Kjeld Jensen, og tá var niðurstøðan at 10% høvdu smittuna, so nú er møguleikin ógvuliga lítil fyri yvirhøvur at fólk blíva sjúk av havhestaungunum.
Søgan sigur, at nógv fraktskip, sum sigldu úr Suðurameriku til Europa, aftana fyrra verðaldarbardaga høvdu papageykar við sær á túrinum, tí tær kundu seljast fyri nógvar pengar í Evropu.
Men nógvar gjørdust sjúkar á ferðini og blivu tí bara tveittar á sjógv. Tað er her man heldur, at havhesturin hevur etið rovini av sjúku papageykunumog at tað er papageykasjúkan, ið havhesturin hevur ført til lands í Føroyum her fólk blivu sjúk í 30-unum av hervuligu havhestasjúkuni
Serfrøðingagreinin sæst her!