Lýsing

Arbeiðarin skal verjast betur

SKRIVAÐ: Javnaðarflokkurin  |  20.05.2020 - 07:40 Politikkur Tíðindaskriv

Arbeiðstakarar, serliga tímalønt, eru illa vard í sambandi við hópuppsagnir. Vit hava brúk fyri føroyskari lóggávu á økinum, heldur Ingilín Didriksen Strøm, sum í morgin fer at seta landsstýrismanninum við arbeiðsmarknaðarmálum ein fyrispurning um hetta í løgtinginum.

Stórar broytingar í búskapinum hava ofta við sær hópuppsagnir, og sóu vit hetta í stóran mun fyrst í nítiárunum. Tað sama sóu vit í kjalarvørinum av fíggjarkreppuni í 2009, tá hundraðtals fólk vórðu uppsøgd í føroysku framleiðsluvinnuni. Men eisini í bestu tíðum hava vit sæð at ein av størstu framleiðslufyritøkunum í landinum sendi yvir 100 fólk til hús yvir nátt. Seinastu tíðina hevur føroyski arbeiðsmarknaðurin og búskapurin verið ávirkaður av koronasmittuni. Hetta eru fólk sum missa sítt livibreyð frá degi til dags.

 

Lóggáva ið verjir fólk móti at verða uppsøgd og sostatt missa sína inntøku frá einum degi til annan finst ikki í Føroyum. Í grannalondum okkuara hevur hetta leingi verið lógarásett, og tað er ikki er minni tørvur á tí her. Hópuppsagnir eru fyrr allýstar sum uppsagnir, har fleiri løntakarar á sama virki ella stovni verða sagdir upp í einum.

 

-       Hetta er eitt øki, har øll ikki eru javnt sett á arbeiðsmarknaðinum. Tí meðan ein stórur partur av løntakarum frammanundan í avtalum um setanarviðurskifti hava fleiri mánaðar uppsagnarfreist, t.d. fastlønt og tænastumenn, so eru tað onnur, sum ikki eru fevnd av slíkum avtalum. Hetta eru til dømis tímalønt, sum eisini eru tann størsti og viðbreknasti bólkurin á arbeiðsmarknaðinum, sum høvdu havt stórt gagn av lógarfestum mannagongdum. Við tryggari viðurskiftum hevði einstaki løntakarin fingið betri tíð og møguleikar til at laga seg til broyttu umstøðurnar og ávirka sína egnu støðu, sigur Ingilín Didriksen Strøm í viðmerkingunum.

Lýsing
Seinastu tíðindini
Nú ''byrjar'' kappingin hjá KÍ
Korona hevur ávirkað kappróðrarfyrireiki…
Dartfelagið nógv at gera á Norð­oyastevnu
Maskinsmiðir prógv á TSK
Tónleika­rundferð við Danny og Inga
Rókur Davidsen vann øll talvini
Stroyming: Dartkapping á Norð­oyastevnu
Heimið er, har hjartað er
Tónleika­rundferð við Danny og Inga í dag
FLEIRI KONSERTIR VIÐ DANNY OG INGA LEYGA…
Hjálparpakki 4 verður nú settur í verk!
Poul Mohr (21.08.1929  - 16.06.2018) - f…
Norð­oyastevnan í dag
Neytabúffar av Sandi á Norð­oyastevnu
KÍ kann fara frá hinum
Myndarøð: Fuglberg og Skoraberg afturkom…
Kappróðu­rin útsettur til sunnudagin
Nei til lættari atgongd til rúsdrekka
Magnus Heinason kannað æti, fiskalarvur…
Ráðstevnan ið kostaði 250 tús. kr.