Lýsing

Tað gongur á skriðjuni hjá Fíggjarligum Støðufesti at finna nakað revsuvert hjá leiðsluni í fyrrverandi Eik Banka

SKRIVAÐ: John William Joensen  |  21.05.2020 - 12:09 Tíðindi

Málið um Eik Bank Danmark, dótturfelagið hjá Eik Banka í Føroyum, hevur seinastu tvær vikurnar verið fyri í Hægstarætti, har advokatarnir fyri báðar partar hava haft procedure. Seinasti rættarfundurin endaði týsdagin 19. mai, og málið verður nú tikið upp til dóms.

Tað var danska Fíggjareftirlitið sum við fyrst at krevja at tann væl konsolideraði føroyski Eik Bankin skuldi veðhalda fyri danska Eik bankan og so eftirfylgjandi kravdi at føroyski bankin skuldi reisa eina stóra milliardaupphædd eftir tveimum døgum fyri m.a. tap av niðurskrivingum sum danska fíggjareftirlitið kravdi í danska Eik bankan – sum endaði við at føroyski bankin bleiv ogn hjá Fíggjarligum støðufesti.

Upprunaliga snúði málið seg um at Finansiel Stabilitet vildi vera við, at snøgt sagt alt í danska dótturbankanum hjá Eik bankanum var galið. Tí ljóðaði stevningin móti nevnd, stjórn og føroyska grannskoðaranum uppá krav um endurgjald, stórt 250 mió. kr., fyri “generelt óforsvarlig viðurskifti” í bankanum og fyri tap av seks ítøkiligum kundaviðskiftum.


Áðrenn dómin í landsrættinum hevði Finansiel Stabilitet eisini kært donsku grannskoðararnar frá Deloitte fyri “Revisornævnet”.

Revisornævnet fríkendi donsku grannskoðararnar í november 2014.


Dómurin í landsrættinum fall í oktober 2018. Eystari landsrættur var ikki samdur í uppáhaldinum um “generelt óforsvarlig viðurskifti” og fríkendi leiðsluna hesum viðvíkjandi. Landsrætturin fríkendi eisini nevndina í fimm av teimum seks kundaviðskiftunum, meðan nevnd og stjórn vóru dømd at gjalda 28,6 mió. kr. í tí eina láninum. Harumframt helt rætturin, at stjórnin kundi verið ábyrgda fyri part av tí eina málinum, men at hetta var fyrnað. Føroyski grannskoðarin var fríkendur í øllum.


Fyrst nevnd og stjórn í Eik Bank Danmark, og síðani eisini Finansiel Stabilitet, kærdu landsrættardómin til Hægstarætt. Leiðslan kravdi frídøming í málinum viðvíkjandi teimum 28,6 mió. kr., meðan Finansiel Stabilitet fasthelt hetta málið, og bað Hægstarætt taka støðu til fyrnaða málið í síni heild eisini, men slepti øllum øðrum uppáhaldum. Sostatt snýr málið í Hægstarætti seg bert um ein lítlan brotpart av tí, sum Finansiel Stabilitet upprunaliga førdi fram.


Hægstarættardómur í Eik Bank Danmark málinum fellur 22. juni kl. 11 føroyska tíð.

Lýsing
Seinastu tíðindini
Kinkur komin í um Húsarhaldsskúlan
Løgmansrøðan verður vigað
Bátatreff: Norðlýsið á gøtuni fríggjadag…
Nýtt videobrot um angist
Jonn Johannessen er toppskjútti av U21-l…
KÍ hevur trý stig fleiri enn um somu tíð…
Krút sterka kvinnu­liðið hjá KÍ hevur nú…
KÍ klárt betra liðið á Skála í dag - myn…
KÍ málveitsla á Skála
Upptakt: Skála-KÍ
Motorblokku­rin komin til Klaksvíkar
Motiónsrenning (Stuðuls­renning) og Barna…
Oddur Joensen kvintett í Spania­stovu
Føroyskur og danskur tónleikur burtur av…
Korona: Hong Kong útsetur valið
Myndarøð og video: Gamli blokkurin í lan…
Nýtt, føroyskt whisky, sum tú kanst eiga…
Lands­stýris­maðu­rin raðfestir útbúgving a…
Tá ið løgmaður neyðtók Mikkjal á Ryggi
Finn Jakobsen er nýggjur forstjóri hjá M…