KÍ fer um stutta tíð at hava ein nýggjan útlendskan leikara til royndarvenjing. Hann er komin til landið fyrr í vikuni og situr nú í sóttarhaldi. Talan er um 23 ára gamla Chidiebere Nwakali úr Nigeria. Talan er um sentralan miðvallarleikara, sum í løtuni ikki hevur nakað felag. Talan er um leikara, ið hevur roynt eitt sindur av hvørjum. Í 2016 og 2017 spældi hann Sogndal og Start í bestu norsku deildini, har hann var skrásettur fyri 48 dystir og 7 mál. Í 2018 spældi hann fimm dystir fyri Aberdeen í bestu skotsku deildini. Seinasta árið hevur hann havt sáttmála við Kalmar í bestu svensku deildini, men har spældi hann ongan dyst. Árini 2015-2018 hevði hann sáttmála við Manchester City, sum leigaði hann út til m.a. áðurnevndu Start, Sogndal og Aberdeen. Í 2013 spældi hann átta U17 landsdystir fyri Nigeria og skoraðu tvey mál.

Flytingarvindeygað letur upp 15. juni.