Lýsing
Lýsing

Andstøðan vil hava løgmann og Jenis í samráð í Uttanlandsnvendini um fjarskifti og 5G-tøkni

SKRIVAÐ: Høgni Hoydal & Heðin Mortensen  |  27.05.2020 - 18:03 Politikkur Tíðindaskriv

Vit vilja hava samráð við Løgmann og Landsstýrismannin í uttanríkismálum um fjarskiftisnet, 5G-tøkni, trygdar- og verjupolitikk og samráðingar við donsku stjórnina

Vísandi til Tingskipanina §24, stk. 5, heita undirritaðu limir í Uttanlandsnevnd Løgtingsins hervið á nevndina um at taka undir við, at Løgmaður og landsstýrismaðurin í uttanríkismálum verða bidnir um at koma í samráð í Uttanlandsnevndini at svara spurningum um:

 

-       Samskifti, samráðingar og avgerðir landsstýrisins í málinum um fjarskiftisnet, 5G-tøkni og trygdar- og verjupolitikk.

-       Samskifti og samráðingar við donsku stjórnina og aðrar útlendskar stjórnir og myndugleikar um hesi mál.

-       Hví og við hvørjari heimild løgmaður sendir út tíðindaskriv um, at fjarskiftismál og avgerðir um hetta, sum er føroyskt málsøki, skal gerast partur av trygdar- og verjupolitikki og koma undir danska lóggávu.

-       Hví landsstýrið ikki hevur ráðført seg við Uttanlandsnevndini um hesi mál sambært stýrisskipanarlógini §54.

 

Síðani løgmaður sendi tíðindaskriv út um málið 13. mai 2020, hava umboð fyri bæði andstøðuflokkar og samgonguflokkar alment funnist at boðskapinum og framferðini hjá løgmanni.

 

Formaðurin í Uttanlandsnevndini hevur reist spurningin um, hvørt løgmaður hevur hildið ráðførslukravið sambært Stýrisskipanarlógini §54.

 

Enn hevur landsstýrið ikki biðið um ráðførslu í hesum týðandi máli.

 

Tí heita vit á formannin og allar nevndarlimirnar um at taka undir við at biðja løgmann og landsstýrismannin í uttanríkismálum um at koma á fund í Uttanlandsnevndini at svara spurningum um málið.

 

Til tess at fáa hetta í lag, krevjast 5 nevndarlimir at taka undir (sambært Tingskipanini §24, stk.5).

 

 

Vinarliga

 

Høgni Hoydal                    Heðin Mortensen

 

 

Lýsing
Seinastu tíðindini
Amerikanski ambassadøru­rin: Forsetavalið…
Amerikanska sendikvinnan: Føroyar eru po…
Sands: Vónandi fæst Donald Trump til Før…
Carla Sands: Hvørki flotaherstøð ella ko…
Í seks ár hava Bústaðir bygt fimm vanlig…
Carla Sands vitjaði Norðlýsið
Nýggjur Christian í Grótinum
Grind eigur at verða hildin til
KÍ á Tórsvølli sunnudagin
Brúdleyp - Valborg og Dánjal
Kappingin um løgmanssteypið byrjar við s…
Størri byggifyritøkur og smærri - neyðug…
Gøtu kirkju ungdómskór
Lands­stýrið vanvirðir Løgtingið og stýri…
Floksmannadagar í Hattarvík - eitt uppli…
Væl skipaður ferðafólka­flutningur
Koronologiskur filmsfestivalur hjá Tjóðp…
Ótakk var lønin hjá reiðaranum
Semja millum Fíggjar­mála­ráðið og Maskinm…
Saman loysa vit bústaðartrotið