Renningin er kend fyri hugnaliga stemningin, góðu rennirutuna og stóra áhugan frá áskoðarum kring býin. Kom og uppliv serliga Norðoyastevnu stemningin við árligu Føroya Bjór renningini í miðbýnum í Klaksvík.

Tey vaksnu renna 5 km, ímeðan børnini renna umleið 400 m. Hetta er eitt perfekt høvi at royna seg á 5 km teininum um tú ert ein royndur rennari ella bara hevur hug at vera við í norðoyastevnu hýrinum.

5 km teinurin er serligur, tí hetta er einasta góðkenda og uppmálaða 5 km rutan í Føroyum. Tí er eisini møguleiki hjá rennarum at seta met, ella kvalifisera seg Oyggjaleikir.

Tey vaksnu renna 5 km á góðkenda teininum gjøgnum býin. Byrjað verður við Betri banka, og málið er uttanfyri Norðoya Sparikassan.

Skráin fyri renningina sær soleiðis út:

kl. 11:15 Menn/Kvinnur/Veteranar/superveteranar – 5 km
kl. 12:00 Børn ymsir aldursbólkar – styttri teinar umleið 400m
kl. 12:30 Heiðursmerkjahandan

Heiðursmerki verða latin til fremstu rennarar í øllum bólkum, umframt gávukort til skjótastu kvinnu og mann á 5 km teininum.

Tilmelding fer fram á heimasíðuni hjá FÍF. Nærri kunning um freistir og startnummur verður kunngjørd seinni.

Øll eru hjartaliga vælkomin at vera við til ein góðan og hugnaligan rennidag á Norðoyastevnu!