Lýsing
Lýsing

Binda framvegis í Fuglafirði – inni og úti!

SKRIVAÐ: Kristina Gry Berg  |  11.06.2020 - 15:36 Bloggur Tíðindi

Føroyar eru kendar fyri góðu ullina og spennandi ullvørurnar, sum fáast her. Men vit eru eisini kendar fyri at hava bindiklubbar og góðar bindiførleikar. Ferðafólk spyrja tí javnan um møguleikan fyri at luttaka á bindiskeiðum ella vitja bindiklubbar.

Tí hevði Ribarhús sett nakrar styttri verkstovur ella hálvdagsskeið á skrá í summar, har ferðafólk høvdu møguleika fyri at hittast í søguliga húsinum í Fuglafirði til ymiskt kreativt virksemi við bindiklubbahugna og læring á skránni. Tá korona so rakti ferðavinnuna, var hugskotið broytt, soleiðis at tað bleiv lagað til føroyska marknaðin.

Hesið bindiskeiðini eru nú partur av í Ferðist í egnum landi átakinum. Her koma fólk til skeið í Ribarhúsi, men tey fáa eisini aðrar upplivingar við. Tógv, stokkar og góðan føroyskan ís fáa tey at byrja við í nýggja tóhandilinum, Noðastovu, á havnalagnum, ein góðan frokost fáa tey frá Pól á Muntra, og kaffi og føroyska sjokolátu fáa tey frá Fjord, sum annars selur plakatir og annað spennandi, sniðgivið í Fuglafirði. Er tíðin og veðrið til tað, ber til at njóta løtuna í miðstaðarlundini ella fara ein longri túr til onkra av náttúruperlunum í Fuglafirði aftaná.

Og tað hevur víst seg at hugurin til at sleppa at binda og læra nýtt, er stórur, nú heldur eingin Bindifestivalur hevur verið. Sum nógv onnur tiltøk varð Bindifestivalurin, sum skuldi verið hildin í Fuglafirði 23. – 25. apríl, útsettur til næsta ár, tá hann verður 15. – 17. apríl. Tað eru nógvar, serliga føroyskar, men eisini útlendskar kvinnur, sum leggja nakrar feriudagar, tá Bindifestivalurin er, og hesar vóru sjálvsagt keddar um at missa hesar hugnaligu og kreativu dagarnar í heimligum stovum í Fuglafirði.

Hugskotið til Bindifestivalin spratt millum tær virknu heimavirkiskonurnar í Ribarhúsi, har tey eisini hava havt ymisk kreativ skeið millum ár og dag, og tí er upplagt at hesi summarskeiðini hava høvuðssæti har. Dugnaligar bindikonur við tilknýti til Ribarhús undirvísa, og á loftinum gekk prátið lystiliga á fyrsta skeiðinum, sum var í Fair Isle binding.

Men í Fuglafirði binda tey ikki bara innandura. Tær, sum vanliga skipa fyri Bindifestivalinum, hava skipað fyri einum ‘Gakk og bint’ tiltakið leygardagin í sambandi við at annar leygardagur í juni er World Wide Knit in Public Day. Eitt uttanduratiltak verður í Fuglafirði leygardagin 13. juni, har fólk hittast á Mentanartorginum kl. 13 og antin sita saman og binda har ella fara ein gongutúr við ferðaleiðara og stokkum. Bindifestivalurin hevur lagt upp til at onnur eisini skipa fyri Gakk og bint tiltøkum um alt landið, so tað kann blíva eitt gott felagsátak, og undirtøkan sær út til at vera góð, tí tiltøk eru eisini fyriskipaði í øðrum bygdum og býum.

 

 

Lýsing
Seinastu tíðindini
Meðan vit bíða eftir Janus
Veðrið á páskum
Fantastiskt Requiem í Varpinum skírisdag
Jákup B. Andreasen kann skjótt blíva klá…
Requiem í Varpinum skírisdag
Ein heimskendur hándverkari! 
Framsýning á Viðareiði á páskum - Undir…
Sangkórið og Jógvan Mortensen syngja í B…
Áhugaverdur djóragarður í Kunoy
Aðalfundir og lagnusøgur á Krígssavninum
Meistarar og lærisvei­nar í Gøtu
Fyrsta Reyða Kross Summarlegan
Pengar fyri bøtur úr Føroyum eiga at far…
Klaksvík kosið millum vakrastu býir í he…
Mass Hoydal leiðari fyri Visit Runavík
Svimji­høllin um Páska­høgtíðina
Frá Melodi Grand Prix til FríðuTónar
Hiddenfjord fingið altjóða góðkenning fy…
Stór ungdóms­páskastevna í Havn um vikusk…
Uni Holm Johannsen: - Tann fyrsta breið…