Lýsing

Borgarafundur um bústaðir savnaði nógv fólk á Syðradali

SKRIVAÐ: Bjørn Kalsø  |  01.07.2020 - 10:00 Tíðindi

Rættiliga nógv fólk var á borgarafundi um bústaðarmøguleikar hjá ungum kalsoyingum í skúlanum á Syðradali týskvøldið 30. juni.

Tað vóru lokalar kreftir og Útoyggjafelagið, sum settu Jógvani Skorheim, borgarstjóra í Klaksvíkar Kommunu stevnu, at kjakast um møguleikar hjá ungum familjum at seta búgv í teimum fýra bygdunum í oynni.

Olga Biskupstøð, fyri Útoyggjafelagið, Paulina M. K. Eliasen, fyri staðbundnu nevndina á Syðradali, Jóhanna Maria Isaksen, umboð fyri ungar familjur í Kalsoynni og Jógvan Skorheim, borgarstjóri løgdu fram teirra sjónarmið.

Síðan varð lagt upp til kjak millum fundarfólk, borgarstjóran og hini í panelinum.

Stórur áhugi millum ung at búseta seg í heimbygdini

Á fundinum kom fram, at áhugin er stórur millum ung at seta búgv í oynni. Tað vísti seg eisini at áhugin er nógv tengdur at, at tey ungu ynskja at búseta seg í heimbygdini.

Tað kom fram, at kommunal grundstykkir einans er tøk í Mikladali, hóast fólk í hinum bygdunum í oynni í mong ár hava havt umsókn inni hjá kommununi um grundstykki.

Lívligt kjak og nógv góð hugskot

Framløgurnar vóru bæði viðkomandi og upplýsandi, og kjakið var lívligt við nógvum góðum hugskotum til borgarstjóran og kommununa at arbeiða við.

Fólkatalið í oynni er minkað nógv seinastu árini, og er nú komið niður á 75 fólk.

Leigubústaðir og grundstykkir eitt krav

Reyði tráðurin í tí, sum kom fram var, at tað er neyðugt hjá kommununi at arbeiða við at geva ungum familjum atgongd til íbúðir/hús at leiga.

Víst varð á, at Húsavíkar Kommuna hevur eina skipan, har ungar familjur kunnu leiga hús í eina tíð, og at hetta hevur havt við sær, at ungar familjur hava sett búgv har.

Harnæst varð víst á, at kommunan átti at hava kommunal grundstykkir klár í øllum fýra bygdunum, so ung, sum høvdu áhuga í at seta føtur undir egið borð, ikki vóru noydd at flyta av oynni.

Jógvan Skorheim, borgarstjóri upplýsti, at hann alt fyri eitt fór at arbeiða víðari við at fáa ynskini frá fundarfólkunum á hesum týdningarmikla økið betur lýst og framd.

 

Lýsing
Seinastu tíðindini
Støkk inn kanningar á Klaksvíkar Sjúkrah…
Gadus fer nýggjan túr í kvøld
KÍ-Slovan Bratislava: Dysturin verður vi…
Maria og Rebekka settu báðar føroysk met…
Gott veður í næstu viku
KÍ fekk heimavøll og sterkt mótstøðulið
Smittubreiðslan minkað eitt vet seinastu…
Útvarpsguds­tænasta úr Christians­kirkjuni…
Hesum fýra liðunum kann KÍ møta
Hetta sigur KÍ-venjarin undan Champions…
Skjótari at fáa koyrikort til vinnuligan…
Borgarar í sóttarhaldi kunnu nú ringja t…
Mentan­arvikan í Runavíkar kommunu verður…
Eysturoy, - gráa leingjan - opið bræv ti…
Vøllurin við Djúpumýru góðkendur til evr…
Lands­stýrið letur 500.000 kr. til neyðhj…
KÍ hevur ongantíð skorað fleiri mál so t…
Hví reingir hann sannleikan?
Áheitan frá Fugloyar kommunu
Korona: Tímalønt mugu tryggjast