Eitt føroyameistaraheitið kom til Norðoyggjar í ár. Tað var Nevið Reyða. Í upptaktini í dag skrivaði Norðlýsið, at søgan sigur okkum, at á stutta ólavsøkuteininum kunnu óvæntað úrslit henda, og tað var júst hetta, ið hendi. Nevið Reyða vann allar róðrarnar uttan á ólavsøku. Hinvegin vann 5-mannafarið Sævarmoy ólavsøkuróðurin hjá 5-mannaførum dreingjum. Har kundi Fípan Fagra vunnið FM, men Heykur endaði frammanfyri Fípuna og vann FM. Bátarnir hjá KRF og NHR vunnu eisini nøkur heiðursmerkir á ólavsøku. Sí niðanfyri.

Heiðursmerkir á ólavsøku

5-mannafør barnaróður gentur: Fípan Fagra nr. 2

5-mannafør barnaróður, dreingir: Sævarmoy nr. 3

6-mannafør menn: Sundabáturin nr. 2

8-mannafør: Nevið Reyða nr. 2

5-mannafør dreingir: Sævarmoy nr. 1 og Fípan Fagra nr. 3