Lýsing

Finn Jakobsen er nýggjur forstjóri hjá Magn

SKRIVAÐ: Tíðindaskriv  |  31.07.2020 - 08:29 Tíðindaskriv Vinna

Magn hevur fingið nýggjan forstjóra. Nevndin í Magn hevur gjørt av at seta Finn Jakobsen í starv sum forstjóri í felagnum.

Finn Jakobsen, sum er 53 ára gamal, hevur seinastu umleið fýra árini verið tekniskur stjóri hjá Magn.

Eisini hevur Finn Jakobsen starvast hjá SEV í nógv ár, fyrst sum verkfrøðingur og síðan sum rakstrarleiðari. Harumframt var hann eitt tíðarskeið í starvi hjá ráðgevandi verkfrøðingafyritøku í Danmark. Finn Jakobsen er útbúgvin sterkstreymsverkfrøðingur og elektromekanikari.

Nógvir væl skikkaðir umsøkjarar vóru til starvið sum forstjóri, sigur Jens Meinhard Rasmussen, nevndarformaður í Magn, sum fegnast um stóra áhugan fyri fyritøkuni.

Fremsta uppgávan hjá forstjóranum verður at tryggja, at Magn framhaldandi verður ein sterkur orkuveitari í Føroyum. Eisini skal hann standa fyri skiftinum til grøna orku, millum annað við vindmyllulundini í Flatnahaga.

”Vit meta, at Finn Jakobsen hevur røttu førleikarnar at standa á odda fyri Magn og møta teimum avbjóðingunum og møguleikunum, sum liggja fyri framman. Sum tekniskur stjóri hevur Finn Jakobsen havt ein týðandi leiklut í at menna grønu orkuloysnirnar hjá Magn. Harumframt hevur hann drúgvar leiðsluroyndir og hevur neyvt innlit í øll rakstrarøkini hjá Magn”, sigur Jens Meinhard Rasmussen, nevndarformaður í Magn.

 

Lýsing
Seinastu tíðindini
KÍ vann ársins størsta sigur
Avmarkað ansingartilboðum á dagstovnaøki…
Støðan er sera álvarsom: Metnógvir tilbu…
Ráðhúsið, dagstovnaøkið og COVID-19
Maverick Barr letur uppaftur klokkan 18:…
Svimji­høllin steingir fyribils
Útflutn­ingur til Russlands
Nýggj smidligari kanningar­skipan ávegis…
Eingin vitjan á búeindu­num í Norðoya Bú-…
Allar kanningar ikki greinaðar enn
Loooong bíðirøð á Klaksvíkar Sjúkra­húsi
Til lukku Bárður
Upptakt: EB/­Streymur-KÍ
Samandráttur av tíðindafundi­num kl. 15
Nýggi blokkurin hjá Norðborg verið kring…
Tey pota óført á Sjúkra­húsinum
Alt útsett, undantikið Betri Deildin men…
Tað verður bygt í hvørjum skoti
3 mió. til trygdarútgerð Norður um Fjall…
14 nýggir koronatilburðir