Lýsing
Lýsing

Mercedis tryggjar inntøku og lønarískoyti

SKRIVAÐ: Tíðindaskriv  |  11.08.2020 - 16:55 Politikkur Tíðindaskriv

Elsebeth Mercedis Gunnleygsdóttur, landsstýriskvinna í almannamálum, hevur borið Løgtinginum tvey lógaruppskot, sum fara at tryggja inntøku til tey, sum eru smittað við COVID-19 ella sett í sóttarhald. Eisini fólkapensjonistar, sum eru fyri inntøkumissi orsakað av støðuni við COVID-19, kunnu fáa lønarískoyti.

Við uppskotunum verða skipanirnar, sum vóru galdandi í sambandi við fyrru smittubylgjuna, aftur settar í gildi. Tað merkir, at persónar á arbeiðsmarknaðinum, sum eru smittaðir við COVID-19 ella settir í sóttarhald, verða fevndir av dagpeningaskipanini hjá Almannaverkinum. Í praksis verður tað skipað soleiðis, at hann, sum undir vanligum umstøðum ikki hevur rætt til løn undir sjúku, fær dagpening frá Almannaverkinum.

Arbeiðsgevarar, sum hava útreiðslur til starvsfólk, sum eru smittað ella sett í sóttarhald vegna COVID-19, fáa lønarútreiðsluna endurrindaða frá Almannaverkinum. Eisini arbeiðandi fólkapensjonistar verða fevndir av hesum skipanum.

Skipanin við lønarískoyti til fólkapensjonistar verður aftur sett í gildi. Talan er um fólkapensjonistar, sum eru heimsendir ella hava inntøkumiss, tí virksemið er minkað orsakað av COVID-19.

Tey, sum longu hava verið fyri inntøkumissi, fara eisini at fáa rætt til fíggjarligan stuðul fyri mistu inntøkuna, tí lógin fer at virka afturvirkandi frá 1. juli 2020.

Lýsing
Seinastu tíðindini
Komið og stuðla Treysti ungdómi
Stórskermur komin upp
Veðrið í kvøld
Klaksvíkin er blá
Kaffisøla og limatilmelding í kvøld
Norðborg: Eg eri ekstremt spentur
Alexandur Petur Sólstein verur níti ár í…
Hug at dansa í vetur?
Írsk upptakt til dystin í kvøld
Val til Eldraráðið
Erla Kongsdóttir sjósett
Fotostudio flutt og vaksið
11 nýggjar pakkastøðir - nýtt samstarv m…
Bert ein ”lítil” viðmerking til Gunvu vi…
KÍ rómur á Djúpumýru
KÍ leikarar­nir farnir gongutúr
Rehabilitering í heimsflokki á Klaksvíka…
Tummas: Fara á vøllin við øllum føroying…
Tit eru fantastiskir, KÍ!
Upptakt: Dundalk FC-KÍ