Til dystin í gjár ímillum fyrstudeildarliðini hjá KÍ og ÍF, kom ein áheitan til Norðlýsið um, at vit áttu at kanna okkum fyri korona sjúkuna áðrenn vit fóru til dyst. Tað varð gjørt. Men komin til dystin var formaður KÍ's har og segði, at neyðugt var eisini við munnbindi um eg skuldi niður á økið. Mangt hevur man upplivað øll hesi árini við vøllin, men hetta er fyrsta ferðin til ítrótt í Klaksvík har tilrátt hevur verið munnbind. - Sigast skal tó, at burturfrá at fotografurin bleiv eitt sindur vakrari við bindi, so var tað lætt at hava uppi á. Nú er bara at vóna at tað ikki verður neyðugt hjá dómarum og leikarum at hava munnbind, hóast at onkrar støður eru har onkur muður hevði havt gott av at verið læstur.