Tað er í Slovakia, at tað nú verður skrivað, at ein leikari sum byrjaði inni hjá Slovan Bratislava móti Zlaté Moravce leygardagin hevur fingið korona. Hendan dystin spardi Slovan Bratislava allar sínar útileikarar til Champions League dystin í Klaksvík. Allur hópurin hjá Zlaté Moravce er farin í sóttarhald og dystir hjá teimum í heimligu kappingini eru avlýstir.

Tvey flogfør úr Bratislava lenda á flogvøllinum í Vágum kl. 16.20 og 16.45. Allur hópurin verður kannaður áðrenn dystin.

Hópurin skal búgva í Tórshavn, men hevur eina venjing í Klaksvík týsdagin.