Hann hevur skorað 6 mál og hevur 10 upplegg, men 25 ára gamli norski álopsleikarin hevur leikliga sæð verið sera eyðsýndur teir flestu dystirnar, eisini í Europa. Hevur ein serligan stíl, har bæði styrki, skjótleiki og teknikkur ganga upp í eina hægri eind tó at hann ikki er leikarin, sum kemur til flest málmøguleikar og tí heldur ikki skorar so nógv mál. Norðlýsið hevur spurt norska álopsleikaran, ið er høgt í metum millum KÍ-viðhaldsfólk, um, hvar hann spælir í 2021.

- Eg eri í samráðingum við KÍ. Eg trívist sera væl, men tað eru fleiri viðurskiftir, ið eg má taka støðu til, áðrenn eg taki eina endaliga støðu um, hvar eg spæli í 2021, sigur Ole Erik Midtskogen við Norðlýsið.

Sum Norðlýsið skilir, so er óvist, um Ole Erik spælir í Føroyum í 2021. Spælir hann í Føroyum, so verður tað í KÍ.