Lýsing
Lýsing
Lýsing

Rógvi Jacobsen stillar upp til býráðsvalið

SKRIVAÐ: Rógvi Jacobsen  |  17.10.2020 - 13:42 Kommunuval 2020 Lesarabrøv Politikkur

Tað liggur onkursvegna í mínum DNA at hava áhugað í býráðspolitikki. Eg havi fylgt býráðsarbeiðinum hjá pápa mínum í 24 ár, og er tað við eyðmjúkleika og spenningi, at eg nú bjóði meg fram.

Eg eri uppvaksin í Klaksvík og havi eisini búð størsta partin av mínum lívi í Klaksvík.

Eg eri útlærdur timburmaður og havi starvast innan yrkið í meira enn 20 ár. Eg eigi fyritøkuna Garpar saman við Jan Joensen, og hava vit støðugt ment virkið til eina sunna fyritøku.
Eg eri framsøkin og veit eisini, nær eg skal brúka høvdið.

Eg eri giftur og havi tvey børn í aldrinum 3 og 7 ár.

Í frítíðini eri eg upptikin av ítróttarvirksemi hjá børnunum og møti dúgliga upp til venjingar hjá old boys í KÍ.

Eg stilli upp til býráðsvalið, tí eg haldi, at eg kann gera mun!

Eg ynski ein enn betri bý, og eg meti, at eg við mínum royndum í vinnulívinum og ítróttinum kann virka fyri, at Klaksvíkar kommuna framhaldandi kann verða fremst, tá ið tað kemur til trivnað og menning. Hetta er galdandi fyri børn, ung og gomul.

Eg vil virka fyri:

Betri karmar til dagstovnaøkið

Dagstovnaøkið skal hava betri karmar at virka undir. Varandi og tíðarhóskandi loysnir skulu raðfestast. Ung eiga eisini at fáa eina heilt serliga raðfesting, og tí skulu tilboð til ung framhaldandi styrkjast og mennast.

Fjølbroyttar bústaðir

Eg vil arbeiða fyri fjølbroyttum bústøðum, har kommunan skal vera við til at skapa karmar soleiðis, at tað gerst smidligari hjá bæði smáum og størri fyritøkum at fara undir at byggja fjølbroyttar bústaðir til yngri og eldri.

Fleiri tøk grundstykki, sum skulu verða byggiklár soleiðis, at familjur, sum ynskja at seta búgv í Klaksvík, kunnu fara í gongd beinanvegin.

Verkætlanir skulu førast heilt á mál

Verkætlanir skulu skipast betri og førast heilt á mál, so ongin ivi er um, at verkætlanin er liðug. Neyv uppfylging skal samstundis vera við verkætlanum, so gjøgnumskygni er við kostnaði og tíðarætlan.

Skynsama parkeringsætlan

Parkeringsviðurskiftini í býnum skulu endurskoðast. Bæði privat og almenn parkeringspláss. Ein langtíðarætlan eigur at verða raðfest, samstundis sum aðrar loysnir skulu finnast.

Fleiri sloyfur

Hond skal takast um ”gomul” arbeiði, sum ongantíð eru komin á mál. Vit skulu tora at seta orð á hesi arbeiði og seta tey aftur á skrá.

Saman við hesum vil eg virka fyri, at allar tær spennandi verkætlanirnar, sum longu eru sjósettar, verða framdar skynsamt, soleiðis at býurin í framtíðini framhaldandi kann vera fremst í kappingini um Føroya besta bý.

 

 

Rógvi Jacobsen

Valevni fyri Norðoya Tjóðveldisfelag

Lýsing
Seinastu tíðindini
Árligi útláns­vøkstur til vinnuna 2,6% í…
Dugir tú at vaska vembur
Linda: Eg havi 70 børn í ár
Nýggjur palllista­skúli í Klaksvík
OYL25: Vit hugsa bert um svimjing
Samrøða við Torkil Mørkøre
SSL stjórin: Royndarsiglingin gekk sera…
Magnus og Olgar áttu Víking (seinni Eldo…
Russiska fyritøkan stendur spyrjandi
Nøglin í dag kl. 15
Bankar: Fíggjarstøðan hjá vinnukundum ba…
Høganesvegu­rin verður longdur
Rottangatøming í Svínoy
Sílaverkætlanin heldur fram, og okkum tø…
Myndarøð: NSÍ-HJK - á Djúpumýru
Góður fyrri hálvleikur hjá KÍ
Her sæst KÍ dysturin
Ægir fyrra tíman og Torkil Mørkøre seinn…
Atgongumerkjaprísu­rin einaferð enn
Dómur úr leysum lofti