KÍ kvinnurnar bjargaðu sær í dag 20. meistaraheitið síðani 1997. Sum flestu vita, so vóru 17 av teimum vunnin ár um ár, hetta er eitt heitið, sum helst verður trupult at sláa. Og tó, borgarstjórin Jógvan Skorheim segði í síni røðu á Djúpumýru í kvøld, at sigurin í kvøld er startskotið til eina nýggja røð av sigrum, sum kanska fara at enda við at sláa gamla metið.

KÍ vann dystin 3-1 á B36, tað óru systrarnar Evy og Victoria, ið stóðu fyri ávikavist tveimum og einum máli. Málið hjá B36 setti Elisabeth Vang í netið.

Tillukku KÍ kvinnur!!!