Eitt stykki Klakksvíkssøga í Hirtshals
Klaksvíkar søga er eisini aðrastaðni enn í Klaksvík. T.d sást hetta uttan fyri eitt av mongum føroyskum sjómanni væl kent stað í Hirtshals. Hetta er generatorurin av eini vatnturbinu norðuri á Strond.
Hendan bleiv seld sum gamalt jarn, men onkusvegna var generatorurin bjargaður, settur í upprunastand og settur sum reklama her.
Flemming Schaltz, dagligur leiðari á Hirtshals Elmotorservice, visti einki um generatorin, men ein dagin rendi eg meg í Edmund hjá Villa á Geilini, og hann visti at fortelja, hvaðani hesin generatorur stavaði, og hvussu tað bar til, at hann kom at standa sum ein varði yvir grøna orku, sum veitti Klaksvíkini ljós so langt aftur sum til 1931.
At hugsa sær, at vatnorkan ikki er meiri effektiviserað øll hesi árini, og nú at reypa um vindorku. Ikki vil eg leggja meg út í naka orkukjak beint nú, men eg helt at hetta er ein fitt søga um, hvussu eitt petti av lokalsøgu stendur sum reklama í Danmark.
P.S.: Á skeltinum stendur 1929, men tað er møguliga 1927.
J. Pauli í Geil
Allingdamvej 6b
Åbyen
DK-9850 Hirtshals
