Lýsing
Lýsing
Mynd: Oliver Joensen

Fyrstu metingarnar siga HB og KÍ í FM-stríði

SKRIVAÐ: Jákup Ósá  |  19.01.2021 - 11:19 Ítrottur Tíðindi

Viðmerkjarar hjá KVF eru samdir um, at í løtuni bendur tað á, at FM-kappingin 2021 fer at standa millum HB og KÍ.

Viðmerkjarar í sendingini Fótbóltsprát hjá KVF í gjár vóru Tróndur Arge og Oddbjørn Joensen. Fyrstu útmeldingar um FM-favorittar í 2021 komu í hesi sendingini, og tað sær út til at HB og KÍ vera favorittarnir í ár.

- Tað verða HB og KÍ á 1. og 2. plássi. Um man bara hyggur eftir pappírinum, og tað er fleiri ferðir mótprógvað, tá man bara hyggur eftir pappírinum. Eg haldi faktisk at HB í løtuni sær sterkari út, tí tað er sum hjá KÍ fer ein út og so ein inn. Teir missa Ole Erik og Patrik, tað eru tveir í byrjunaruppstillingini til teir stóru dystirnar hjá teimum. Men hinvegin koma Árni Frederiksberg og Jasper Van Der Heyden inn. Tað kann gott vera, at B36 og NSÍ raka alt tað sum tey skulu raka. Kappingin leggur upp til eitt topp 2 við HB og KÍ, síðani eitt topp 4 við B36 og NSÍ og so liggur Víkingur ímillum, meðan hini fimm so koma eftirfylgjandi og har eru uppflytararnir nokk teir veikastu, segði Tróndur Arge í sendingini Fótbóltsprát.

- Eg vænti, at HB fær ein leikara inn afturat, meðan KÍ, B36 og NSÍ fáa tveir-tríggjar leikarar inn afturat. Hesir tveir-tríggir leikararnir hjá hvørjum liði kunnu broyta rættiliga nógv hjá hvørjum liði. Rakar onkur av teimum 2-3 góðar leikarar, so broytir tað nógv, segði Oddbjørn Joensen við Fótbóltsprát hjá KVF.

 


Í somu sending væntaðu teir eisini, at kappingin um 6. pláss fór at standa millum ÍF og EB/Streym, sum í fjør.

 


Tað merkir, at fyrstu metingarnar í januar frá viðmerkjarunum í KVF siga:

1-2: HB og KÍ

3-4: B36 og NSÍ

5: Víkingur

6-7: ÍF og EB/Streymur

8: TB

9-10: 07 Vestur og B68

Lýsing
Seinastu tíðindini
Dystar­veðrið KÍ - EB/­Streymur
Góð fótbóltslíkindi
Hávur er í FM-finaluni
Upptakt: KÍ-EB/­Streymur
Kringvarpið øst føroyingar upp í skúm –…
Team Klaksvík tapti eftir longda leiktíð
Bjarnhild og Lena Maria úr KBF eru Kontr…
Tummas Lervig: Vit vænta at spæla í Klak…
Anfinn Olsen, stjóri í Framherja: Eitt…
Team Klaksvik spælir finalu í niðara ból…
Klaksvíkar Sjúkra­hús: Har er vón hóast s…
Jan Gintberg á Leiðara­deg­num 2021 | Tí t…
Broytingar í byggisamtykt­ini fyri Svínoy
500 fólk kunnu nú savnast – heimauppihal…
Danny Baldursson fyrsta staklag sum eins…
Setið nú ferð á koppsetingarnar
Átøk skulu forða fyri at ung við sálarli…
Nema 100% á føroyskar hendur
Øll sum eru 70 ár og eldri kunnu bóka tí…
Evropeiskur ullardagur