Stjørnan boðar frá, at venjarin hetta seinasta kappingárið árið Christoffur Gert Nielsen heldur fram sum høvuðvenjari hjá felagnum komandi kappingaár. Tað var í februar í fjørð, at sáttmáli bleiv gjørdur við Christoffur. Hóast sín unga aldur, so hevur Christoffur drúgvar royndir sum hondbóltsvenjari. Tað var ein stór uppgáva hjá Christoffur at átaka sær, at venja besta kvinnuliðið hjá Stjørnuni, tí frá gongdin var stór. Men við góðum treysti og jagligum hugburði hevur Christoffur saman við Báru Skaale hjálparvenjara støðugt ment unga liðið, og nú kappingin líður móti endanum, kann besta kvinnuliði spæla upp ímóti øllum hinum liðunum.

Eisini hevur Stjørnan gjørt nýggjan sáttmálan við russisku Juliu Nalivko, sum heldur fram sum leikari komandi kappingarár. Julia kom ikki til felagið fyrrenn kappingin gott og væl var komin í gongd. Julia er ein fjøllbroyttur leikari, sum skorar nógv mál. Við Juliu á liðnum er breiddin blivin nógv størri.

Um allir verandi leikarar halda fram, og onkur av leikarunum, sum vegna serliga umstøður ikki hava verið við seinasta kappingarár, koma viðaftur, og møguliga onkran styrk afturat til liðið, so sær tað spennandi út til komandi kappingarár.