Lýsing
Lýsing

Vil samgongan miðspjaða almennar stovnar ella ei?

SKRIVAÐ: Javnaðarflokkurin  |  13.04.2021 - 13:52 Politikkur Tíðindaskriv

Nú kemur loksins ein føroysk veðurstova, sum bíðað hevur verið eftir síðan 2009, tá Føroyar yvirtóku málsøkið. Kortini undrast Eyðgunn Samuelsen á, hví veðurstovan er staðsett í Tórshavn, tá arbeitt hevur verið við veðurfrøði aðrastaðni í landinum.

Herfyri skrivaði Vørn tey gleðiligu tíðindi, at ein veðurstova endiliga verður sett á stovn í Føroyum. Samstundis verður eisini boðað frá, at veðurstovan fyribils skal húsast við Hoyvíksvegin í Havn.

- Tað er ongin loyna, at arbeitt verður innan veðurfrøði bæði á flogvøllinum og í Norðoyggjum, og partvíst eru hølir og útgerð tøk har. Tí vóru tað fleiri við mær, sum undraðust á, hví landsstýrið hevur valt at staðseta veðurstovuna í Havn, sigur Eyðgunn Samuelsen, og heldur fram:

- Hetta setir eisini hol á ein uppaftur størri spurningum um, hvørjar ætlanir samgongan hevur viðvíkjandi miðspjaðing av almennum stovnum. Undanfarna samgonga hevði sum mál, at nýggir almennir stovnar skuldu í størst møguligan mun verða staðsettir uttanfyri miðstaðarøkið.

Tí hevur Eyðgunn Samuelsen sett landsstýrismanninum í fiskimálum, sum varðar av málinum, ein fyrispurning um málið. Í fyrispurninginum vil hon hava greiðu á, hvørji atlit eru tikin til staðsetingina av veðurstovuni, og um ætlan er at flyta veðurstovuna ella partar av henni út um landið. Harafturat spyr hon eisini, hvørja ætlan samgongan hevur viðvíkjandi miðspjaðing av almennum stovnum.

Landsstýrismaður hevur 10 yrkadagar at svara fyrispurninginum frá Eyðgunn Samuelsen.

Lýsing
Seinastu tíðindini
Klaksvíkar Søga 4 - video
166 børn- og ung á bíðilista til Barna-…
7 ferðamál beinleiðis í summar
Kom og royn stóra útitalvið niðri í Vági
Gongutúrur fyri kvinnur, sum hava ella h…
Málið um óljóð frá skipum verður nú loys…
Vit minnast tónleikin
Waag spílar seg út
Føðingardagsheilsan nú Javni fyllir fimm…
KÍ liggur til at taka málmetið frá HB
Stuðul til uppihaldspening fyri fyrra há…
Norðlýsið á gøtuni
Sildavørur við bátabrúgvar­nar leygardagi…
Kristiliga Sangkórið á Norðskála og í Mj…
Vágatunnilin og Norðoya­tunnilin dagførdi…
Kunningarfundur um ADHD
Glaðir áskoðarar við Áir fyri løtu síðan…
KÍ vann 9-0 á Dungasandi í dag
Upptakt: 07 Vestur-KÍ
Atlantic Fair aftur á skrá í 2022