Lýsing
Lýsing

Betri Pensjón: Nýggj grøn kós

SKRIVAÐ: Betri pensjón  |  16.04.2021 - 07:52 Tíðindaskriv Vinna

Betri Pensjón hevur orðað ein greiðan málsetning um bert at gera íløgur, har burðardygd verður tikin í álvara. Longu nú er væl meiri enn helvtin av íløgunum sett í feløg við burðardygd sum eyðkenni - og komandi árini er málið, at allar íløgurnar skulu stiðja undir grønu kósina

- 2020 var eitt serligt ár fyri okkum øll, og í Betri Pensjón brúktu vit høvið til at umhugsa okkara støðu, seta út í kortið og orða nýggjar málsetningar. Til dømis, at vit framyvir bert skulu gera íløgur í feløg, sum taka burðardygd í álvara, greiðir Helgi L. Petersen, stjóri, frá. 

- Við eru longu farin at raðfesta øðrvísi, og áleið 60% av íløgunum í partabrøv eru nú í feløgum, ið hava burðardygd og ábyrgd sum eyðkenni. Málið er, at vit um 3-5 ár náa upp á 100%. Tí hóast tað er eitt ávíst kjak um, júst hvussu burðardygd skal skilmarkast, ivast vit ikki í, at hetta er einasti rætti vegurin at fara, sigur Helgi L. Petersen.  

 

Ávirkanin á partabrøv

Nú farna árið endaliga er gjørt upp, stendur eftir, at hóast brotasjógvarnir seinasta vár virkaðu øgiliga ógvusligir, kom Betri Pensjón ígjøgnum árið uttan at taka sjógv inn. 

- Nú eitt ár er liðið, síðani farsóttin rakti, kunnu vit tíbetur staðfesta, at vit eru komin væl ígjøgnum og vit eru nøgd við úrslitið í fjør á 8,5 milliónir kr. Korona ávirkaði okkum sjálvandi - serliga tí at avkastið av nøkrum partabrøvum ikki náddi at fóta sær heilt, áðrenn árið var liðið - men hinvegin vóru nógv færri skaðatilburðir í 2020 enn vanligt hevur verið onnur ár, sigur Helgi L. Petersen.

Hann fegnast um, at útlitini fyri 2021 eru góð. 

- Fyrsti ársfjórðingur í 2021 hevur gingið sera væl og partabrøvini hava givið góð 9% í avkasti. Nú gleða vit okkum til, at viðurskiftini vónandi gerast vanlig aftur - og at seta full segl fram ímóti burðardyggu málunum, vit hava sett okkum, sigur Helgi L. Petersen, stjóri í Betri Pensjón. 

 

Lyklatøl fyri 2020

  • Ársúrslit eftir skatt: 8,5 mió
  • Tryggingarinntøkur: 169,1 mió
  • Avkastprosent: 0,0%
  • Kostnaður pr. tryggjaða: 658 kr
  • Eginogn: 83,8 mió
  • Eginognsavkast: 10,1%
  • Solvensdekningur: 287,6%

 

Lýsing
Seinastu tíðindini
Klaksvíkar Søga 4 - video
166 børn- og ung á bíðilista til Barna-…
7 ferðamál beinleiðis í summar
Kom og royn stóra útitalvið niðri í Vági
Gongutúrur fyri kvinnur, sum hava ella h…
Málið um óljóð frá skipum verður nú loys…
Vit minnast tónleikin
Waag spílar seg út
Føðingardagsheilsan nú Javni fyllir fimm…
KÍ liggur til at taka málmetið frá HB
Stuðul til uppihaldspening fyri fyrra há…
Norðlýsið á gøtuni
Sildavørur við bátabrúgvar­nar leygardagi…
Kristiliga Sangkórið á Norðskála og í Mj…
Vágatunnilin og Norðoya­tunnilin dagførdi…
Kunningarfundur um ADHD
Glaðir áskoðarar við Áir fyri løtu síðan…
KÍ vann 9-0 á Dungasandi í dag
Upptakt: 07 Vestur-KÍ
Atlantic Fair aftur á skrá í 2022