Veðrið í byrjanini av mai í fjør var skiftandi. Ættirnar skiftu nógv hvønn dag, og við høvdu eitt bland av góðveðri og keðiligum veðri.

Eina viku inn í mai-mánað mentist eitt hátrýst yvir Grønlandi, og veðrið bleiv nakað tað sama sum í mai í ár. Vikuskiftið 8. - 9. mai kavaði ymsastaðni kring landið.

Dagarnir eftir tað komu fleiri brúgvaløg framvið við kavaavfalli. Í støðum kom heilt fitt av kava niður.

Hátrýstið sum sendi luft hendaveg, fór at flyta seg suðureftir, so tá ið vit komu til 20. mai, kom vend í. Veturin takkaði fyri seg. Tað gjørdist lýtt og gott veður.

Miðalhitin fyri mai í fjør var 7,1 stig. Higartil í ár er miðalhitin fyri mai 3,3 stig.