Lýsing
Lýsing

Útvarpið, stríðið millum Ísrael og Hamas-stýrda Gaza

SKRIVAÐ: Svenning av Lofti  |  20.05.2021 - 23:00 Lesarabrøv Politikkur

Sagt verður, at tað allarfyrsta, ið ”letur lív” í vápnastríði millum lond og ríki, er sannleikin.

Stríðið millum Ísrael og Hamas er neyvan undantikið hesi útsøgn.

   Vit munnu øll harmast um hvørt einasta mannalív, ið verður týnt í hesum syndarliga stríði í Miðeystri, bæði millum fólkið í Gaza og í Ísrael.

   Tá ið útvarpið í tíðindasendingum í morgun 20. mai umrøddi hetta stríðið, var nevnt, at 63 børn høvdu latið lív í Gaza. Men einki varð nevnt um hvussu mong børn í Ísrael høvdu latið lív av teimum túsundtals rakettunum, sum Hamas-stýrið hevur skotið inn í ísraelskar býir.

   Hví verður bert barnatalið í Gaza nevnt – og ikki í Ísrael?

 

   Svarið er helst, at tíðindini koma frá útlendskum tíðindastovum, ið hava Hamas-stýrið sum keldu. Tí verða børnini í Ísrael ikki nevnd. Hetta eigur okkara fremsti tíðindaberi, útvarpið, at hugsa um áðrenn tíðindi úr útheiminum verða skrivað og send føroysku lurtarunum.

 

   Tað er heldur einki dulsmál, at hundraðtals Hamas-rakettir ongantíð røkka inn í Ísrael, men detta niður yvir teirra egna fólk og Ísrael fær skyldina fyri at gazaborgarar doyggja, sum ein fylgja av hesum.

Vit eiga ikki at gloyma, at tað var Hamas-stýrið, sum byrjaði stríðið við at senda rakettir inn í Ísrael, umframt at teir í mong ár, við millumbilum – hava sent rakettir inn í býir í suður-Ísrael.

 

   Vit munnu vóna og biðja um, at hetta stríðið endar skjótt og at bæði íbúgvar í Gaza og Ísrael – børn og vaksin - kunnu liva í friði hvør við annan í framtíðini.

Men við Hamas-stýrinum í Gaza við ræði, tykist hetta ein hvørvisjón.

 

Svenning av Lofti

Lýsing
Seinastu tíðindini
Veðrið um vikuskiftið
U17-liðið hjá KÍ spælir steypafinalu í k…
Norðlýsið á gøtuni
Silvur­brúdleyp - Elisabeth og Sigmundur
Málmansvenja­rin er komin uppá pláss hjá…
Kom bara inn!
Myndir og video: Vóru eftir veðrum í Sey…
Fuglberg og Skoraberg landa á Kósini í d…
Stórt tunnilsblað næsta fríggjadag
Ársins Róland latin Anniku og Karin
Hin myrki 11. september - hjartanem­andi…
Avrikið hevur hægstu raðfesting
Tit eru við til at gera okkara bý fjølbr…
Móttøka í virknis­húsi­num í Mylnugøtu í K…
Arbeitt verður við bústaði til 44 arbeið…
Búnaðarstevnan verður tann 20. november
45 nýggjar leiguíbúðir í Tórshavn
Sjóhiti til Føroya Tele í Klaksvík
Staksdagu­rin verður í Tjørnuvík leygarda…
Sjáldsama fáir skaðar fyrra hálvár