Lýsing
Lýsing
Nakrir, men minni enn eitt prosent, av trúfastastu stuðlunum hjá KÍ. | Mynd: KÍ-fjepparabólkur

Klaksvík kókar

SKRIVAÐ: Jóhann Lützen  |  15.07.2021 - 17:58 Ítrottur Myndarøð

Í Klaksvík hevur ongin tíð at harmast um mistu drotningavitjanina, tí KÍ ætlar sær í kvøld at syrgja fyri uppaftur betri undirhaldi, tá stoltleikin hjá klaksvíkingum tørnar saman við Rigas Futbola Skola. Longu tíðliga í dag sóust fløgg, og jú meira er liðið á dagin, jú bláari sær býurin út. Eyðkendi KÍ-hatturin sæst fleiri staðni, og fleiri starvsfólkamyndir eru lagdar út frá arbeiðsplássum, har øll gleða seg til dystin.

Útgongdsstøðið er at síggja til gott, men samstundis eisini eitt tað vandamiklasta. KÍ hevur brent seg av nøkrum líknandi fyrr, har teir hava verið liðið, ið er betri fyri áðrenn seinna dystin, men tað hevur givið tað vælkenda dilemmað, har KÍ ivast í, um teir skulu verja ella leypa á. Onkuntíð hevur tað eydnast at verja tað heim, onkuntíð hevur tað eydnast at vinna báðar dystirnar, men tað er sanniliga eisini komið fyri, at alt er miseydnast, ikki so sjáldan í síðstu minuttunum av dystinum. Fyri hitt liðið er onki ivamál – teir mugu leypa á, og kunnu ikki brúka nakað annað enn ein sigur.

Veddingarfyritøkurnar undirtippa KÍ, men tað gjørdu tær eisini seinast, tá KÍ í Riga kortini vann 2-3. So tað skulu vit ikki taka so tungt. Hitt felagið er tó avgjørt onki at undirmeta, tí tað at fáa mál ímóti sjálvasta Mathias Rosenørn er als ikki hvørs mans føri. Hann hevur verið ein brandur, og verður tað uttan iva aftur í kvøld.

Vit lata nakrar summarsligar myndir frá í dag tala fyri seg, og siga KOYR Á KÍ!

 

Lýsing
Seinastu tíðindini
Hesi spæla til Summar­hugnan
Asta Højgaard við nýggjum sangi
Christian í Grótinum í Skagen
Sundabátu­rin kann vinna FM í dag við sig…
Norð­oyastevnuróðurin
Fólksliga eldsálin Oliver Joensen trýkva…
Sheep latið nýggjan handil upp í Klaksví…
Karl Olivar Bærentsen hevur sjey FM við…
Framsýning í Galerie Focus
Mini-Zoo í Klaksvík
Magnus Norðberg kann javna og taka metin…
Nú má tað verða well
Karlamagnus ikki á flot í dag
Triði partur: Fram við landi í Fugloy
Áheitan á SSL um samferðsluna í Kalsoynn…
Ókeypis summarhugni í Klaksvík
Summar­tiltøk í Mikladali
Annar partur: Um Heltnina og Eysturhøvda
Ferð sett á endaligu fyrireikingarnar
Nýggja ljósskipanin tænir ikki borgarunu…