“Vit hava vitjað ein 25 ára gamlan sang og spælt hann inn av nýggjum” sigur Eyðbjørn Jacobsen, bassleikari.

I AM hava síðstu árini samstarvað við navnframa framleiðaran Søren Mikkelsen. Hann hevur framleitt sangirnar, “Can’t Stand (that face)”, sum bólkurin gav út í 2019 og “Altíð saman”, ið kom út í septembur 2021 og partvís var upptikin í Studio Alvin. Nú er triðji sangurin í samstarvinum givin út.

“Last Night” er upptikin í Medley Studios upptøkuhølunum í Keypmannahavn, har hann eisini er ljóðblandaður.

“Vit skrivaðu Last Night í 1996, sum eisini er árið vit sum bólkur byrjaðu. Hetta var tíðin tá nógvir tónleikabólkar húsaðust í Hølinum í Klaksvík. Sangurin var við á Rock í Føroyum 2, ið kom út í 1997”, sigur Birgir Sigurðsson, sangari.

Nýggja lagið hjá I AM kann hoyrast á øllum stroymitænastum, eins og Spotify, Apple Music og Tidal. Harafturat er sangurin tøkur á Youtube rásini hjá bólkinum, har fleiri sjónbandaløg eru tøk.

Spotify

Last Night: https://open.spotify.com/album/0LevM7kn4HkJWvT3bIDrY1?si=H6NiQsT2S5WAbxS0PxCL3A

Altíð Saman: https://open.spotify.com/album/3usysGqcIsmIFIL2SuyKTW?si=gzjWr3bHSF-F8Jk4lTZkdw

Youtube rás

https://www.youtube.com/channel/UCnjVCSVyGITpCxX1redY8HQ