Lýsing
Lýsing

Heilsurøktarar og námshjálparar eiga at fáa møguleika at lesa beinleiðis víðari í Føroyum 

SKRIVAÐ: Sirið Stenberg, Tjóðveldi  |  24.11.2021 - 08:26 Politikkur Tíðindaskriv

Nú starvsfólkatrotið er stórt á røktarøkinum og innan pedagogiska økið er neyðugt at tryggja, at tey, sum hava lisið til heislurøktara og námshjálpara, kunnu útbúgva seg víðari í Føroyum. Við eini smidligheit í útbúgvingarskipanini eigur hetta at bera til. Til dømis kundi man skipað fyri uppsamlingsskeiðum, har hesi fólkini kunnu fáa tær lærugreinar, sum tey mangla fyri at fara víðari. Sum skilst er ikki so nógv, sum manglar í.

Bæði sjúkrarøktarfrøðiútbúgvingin og námsfrøðiútbúgvingin í Føroyum eru á hægri stigi enn í Danmark. Av tí, at man í Danmark enn hevur hesar útbúgvingar á professiónsbachelor støði, er møguleiki at lesa beinleiðis víðari har. 

Hetta kann gera, at fólk fara av landinum at lesa útbúgvingar, sum eru í Føroyum. Við at skipa fyri, at hesi fólkini kunnu fáa tær lærugreinar, sum tey mangla, verður skaptur møguleiki fyri, at tey kunnu lesa víðari í Føroyum. 

Tað hevði uttan iva verið ein góð íløga fyri okkum øll. 

Tí havi eg sett landsstýrismanninum hesar spurningar:

Hvat skal til fyri, at heilsurøktarar kunnu lesa víðari til sjúkrarøktarfrøðing og námshjálparar til námsfrøðing?

Ætlar landsstýrismaðurin at skipa fyri, at heilsurøktarar og námshjálparar kunnu fáa uppsamlingsskeið við tí, tey mangla, so tey kunna lesa víðari?

Hvat er kostnaðurin av hesum?

Vónandi eydnast at fáa vælvild fyri hesum.


Sirið Stenberg 
Tjóðveldi

Lýsing
Seinastu tíðindini
Stórt tunnilsblað fríggja­dagin
Nú mugu vit vakna
J&K Petersen skipaði fyri tornkranaskeið…
B36 vann løgmanssteypið
Veðrið í vikuni
“TEIR SJEY LESTRAR­NIR”-gudstænasta við a…
Greining: Fólkið vrakar samgonguna og ve…
Mjølnir greiddu sína skyldu
Team Klaksvík hevur skift venjara
Pensjonistar framvegis fyri vanbýti – og…
Sigurin komin undir land
Jóla­heilsan frá borgar­stjóranum
Dagføring av koronastøðuni
Sama jóla­kalendara øll barnaárini
Frimodt spyr um prísáseting hjá Landssjú…
Tríggjar ferðir ræst kjøt sama dag
Í viðarlund­ina eftir jólatræi
Norðlýsið á gøtuni
Eingin postbátur frá 6. desembur til 3.…
Jóla­træshaldið í Svínoy avlýst