Vit hava hoyrt frá jólamonnunum umborð á jólaskipinum, at teir rokna við at koma á Klaksvík einaferð í viku 51 um so er at veðrið loyvir tí. Men tað lova jólamenninir at fortelja meira um tá vit nærkast jólunum meira.

Í samráð við Pál Weyhe, serfrøðing, verður hildið ráðiligt at koyra hetta útitiltakið aftur í ár. Meira um tað seinni.

Ársins Rósa

Sum flestu munnu minnast, so hevur tiltakið "Ársins Rósa" eisini hoyrt til tiltakið "Jólaskipið" hjá Føroya Sjómannadegi. Tað verður framvegis ætlanin, tí heita vit um á borgarar í Norðoyggjum um at senda okkum uppskot um Ársins Rósu.

“Ársins Rósa” er ætlað sum eitt herðaklapp til ein persón, sum hevur víst serligt hjálpsemi, samfelagssinni ella, sum á annan hátt hevur verið fólki og samfelagi at serligum gagni.

Uppskot kunnu sendast til oliver@nordlysid.fo

Føroya Sjómannadagur