Innsavnaði peningurin fer til eina barnahjálparverkætlan í Føroyum og til eina uttanlands. Sostatt er talan um børn, sum hjálpa børnum. Skótahjálpin er í viku 39 á hvørjum árið, og í ár komu umleið 200 túsund inn.

Hesaferð nú innkomni peningurin og øll tølini eru roknaði saman, vísir tað seg at skótar og úlvar hjá Skótalið Nólsoyar Pálls í Klaksvík hava verið bestir at savna pening til Skótahjálpina í ár. SNP hevur í ár savna 640 krónur í miðal fyri hvønn sum hevur tikið lut. Hetta má sigast at vera sera flott.

Ferðasteypið Súlan

Á hvørjum árið letur Skótahjálpin eitt ferðasteyp sum kallast Súlan, ein silvurpláta verður hvørt ár fest á við navninum á skótaliðnum sum savnar flestar pengar inn. Eigari verur tann bólkur, sum flestar ferðir hevur vunnið Súluna aftaná 10 ár .
Símun Michael Sørensen sum í mong ár hevur verið kassameistari hjá Skótahjálpini, kom í kvøld í Uppistovu, á úlva- og skótafundin hjá SNP fyri at handa ferðasteypið Súluna. Símun Michael greiddi frá teimum verkætlananum sum í ár fáa stuðul frá skótahjálpini, og yngsti øllum teimum fegnu og stoltu børnum tillukku nú teirra innsavning hevur eydnast so væl í ár.