Seinasta árið hevur verið arbeitt miðvíst við at gera Handilshúsini úti í Klaksvík til eitt savn, har gamla Apotekið er ein týðandi partur av hesum. Broytingar og umvælingar eru gjørdar bæði innan og uttan og ein ætlan er løgd fyri virksemi og verkætlanir framyvir.

Ein verkætlan er um fólkalív í Føroyum, har Spaniastova verður karmur um eina varandi framsýning. Í verkætlanini er dentur lagdur á at lýsa ymiskar partar av arbeiðslívinum hjá fólki fyrr í tíðini og at geva vitjandi eina serstaka uppliving. Fyrsti partur av hesu verkætlan verður sýndur fram á Norðoyarstevnu. Edward Fuglø, listamaður stendur fyri sniðgevingini.

Helena Klein Sundsskarð

Forkvinna