Hetta er ikki veður til kappróður í Hvalvík. Útnyrðingur norðan fer av pollinum í Saksun og trýstir seg oman ígjøgnum Saksunardal og út á vánna. Vindferðin økist eitt sindur allan vegin omaneftir dalinum. Hetta kalla vit trakt-effekt.

Hendan effektin er allan vegin suður til Oyri. Tað er ikki fyrr enn sunnan fyri Veðranes, sum er ímillum Oyri og Selatrað, at vindurin minkar, har sundið víðkast.

Á víkini sunnan fyri bygdirnar í Hvalvík og Streymnes fer at vera meiri enn ein hampuligt lot á hesari ættini. Tað vita fyrireikararnir eisini, og teir hava útsett róðurin til sunnudagin.    

Sunnudagin er veðrið nógv frægari. Eitt lítið lot, 5 m/s ella minni, av ættunum úr norði niður í vestan. Hetta er góð forsøgn til kappróðurin.